LUKAS 4:41 - Bahasa Manggarai New Testament

⁴¹ Oné mai isét do situ, pé’ang kolés jing da’at cang agu ciékd: “Ité Anak de Mori Keraéng.” Itu kali ré’ing kéta isé Liha néka curups, ai baé lisé, Hia hi Mesias.

LUKAS 4:41 Referans Kwoze

MARKUS 1:34

Hia pandé ina taungs ata do situt susa ali beti do, agu mbérs jing da’at; toé ondangs Liha sanggéd jing da’at situ te curup, ai pecing lisé Hia.

JAMES 2:19

Imbip le hau te hanang manga ca kanang kali Mori Keraéng? Bo hitun! Maik sanggéd jing da’at kolé imbi Mori Keraéng agu jejers le rantang.

YOHANÉS 20:31

maik sanggéd so’ot mangad poli tulisd kudut imbi le méu te Mori Yésus hitu hi Mesias, Anak de Mori Keraéng, agu landing imbis hitu, méu manga mosés oné ngasang Diha.

MARKUS 3:11

Woko isét hena le jing da’at ita Hias, isé cembar taungs wa ranga Diha agu ciékd: “Ata ho’o tu’ung-tu’ung Anak de Mori Keraéngy!”

MATÉUS 4:3

Itug kali main jing da’at hitut damang Hia, mai taén ngong Hia: “Émé Anak de Mori Keraéng Hau, jeras dé le Hau watu-watu so’o te ciri roti.”

MATÉUS 26:63

Landing Mori Yésus hema kéta kin. Maig taé de Imam Mésé hitu agu Hia: “Lé ngasang de Mori Keraéng, taé agu ami, co’o Hau, hi Mésias Anak de Mori Keraéng, ko toéh?”

MATÉUS 8:29

Isé situ ciéks taéd: “Te co’og ami Lité, oé Anak de Mori Keraéng? Cala mai Dité kudut wahéng ami bebolon cai wié leson?”

MARKUS 1:25

Maik Mori Yésus kenta jing da’at hitu, mai taén: “Hemah ga, pé’ang ga oné mai ata ho’om!”

MATÉUS 8:4

Maik taé de Mori Yésus ngong hia: “Nuk dé, néka toi apa ho’o agu céing kaut, maik ngoh ga, toto wekim agu imam agu téing takung ata baté wuat di Musa, ai hitu tandan te pecing lisé.”

MATÉUS 8:16

Du wiég tana, dadé dod ata nggeroné Mori Yésus, ata hena le jing da’at, maik ca mu’u kaut curup de Mori Yésus mbér jing situ, agu pandé ina isét hena le beti situ.

MARKUS 1:32

Du manég tana agu kolepg leso, dadé lata nggere-oné Mori Yésus sanggéd ata beti agu ata hena le jing da’at.

LUKAS 4:39

Itu kali hesén Hia lupi inéwai hitu, agu kenta pémpang hitu; wiga pémpang hitu mora kéta muingy. Itu kali inéwai hitu hidi-hadan to’on, agu tiba isén.