LUKAS 3:23 - Bahasa Manggarai New Testament

²³ Du Mori Yésus pu’ung gorin, ubun am manga telumpulu ntaungy. Lorong le taé data, Hia anak di Yosépy, anak di Éliy,

LUKAS 3:23 Referans Kwoze

MATÉUS 13:55

Cala anak de tukang hajup Hia ta? Cala hi Mariap endén agu asé-ka’én: hi Yakobus, hi Yosép hi Simon agu hi Yudas?

TOMBO PÉTÉ GORI DE RASUL-RASUL 1:1

Keraéng Téofilus ata momang laku. Oné buku daku hitut laring cain, poli tulis taungd laku situt pandé agu toing de Mori Yésus,

YOHANÉS 6:42

Mai kolé taéd: “Toé néng hi Yésus anak di Yosép Hia ho’o ko, ata endé-eman pecing tu’ungs lité? Co’o kaut Hia tara nenggo’on taén: Aku poli wa’u éta mai Surgag?”

LUKAS 4:22

Sanggéd ata situ naring molor Diha, agu isé lengets landing curupn situt manik laingd néng caron, itu kali mai taéd: “Toé weli anak di Yusuf Hia ho’o ko?”

MARKUS 6:3

Toé weli Hia ata tukang hajuy, anak di Maria, asé-ka’én hi Yakobus, hi Yosés, hi Yudas agu hi Simon? Agu toé weli weta Diha manga cama-cama agu ites?” Itug kali majan lisé agu doét Hias.

MATÉUS 4:17

Pu’ung du hitu wéwa le Mori Yésus: “Teserm ga, ai Adak de Surga ruis gi!”

MATÉUS 1:16

Yakub wing hi Yosép rona di Maria, ata loas Mori Yésus hitut caron hi Kristus.

LUKAS 3:31

anak di Méléa, anak di Mina, anak di Matata, anak di Natan, anak di Daud,

MATÉUS 1:6

Isai wing hi Raja Daud, hi Raja Daud wing hi Salomo oné mai wina di Uria,

MATÉUS 1:1

Ho’oy tulurn empo de Mori Yésus Kristus, wa’u di Daud, wa’u di Abraham.

LUKAS 2:48

Du itan Hia lata tu’an, lenget taung isé, mai taé de endén ngong Hia: “Nana, co’o tara pandé nenggo’om Hau agu ami? Lélo emam agu aku soang naigm kawé Hau?”

YOHANÉS 1:45

Hi Pelipus cumang agu hi Natanaél, agu mai taén ngong hia: “Ami poli cumang Hiagm, ata hiot caro di Musa oné Surak Taurat agu le sanggéd nabi, Mori Yésus anak di Yosép oné mai Nazarét.”