LUKAS 23:8 - Bahasa Manggarai New Testament

⁸ Du lété hi Hérodés ita Mori Yésus, naka kéta hia. Ai béhéng liha nanang te ita Hiay; ali dongkalin hia dengé tombo latang te Hia, céwén kolé bengkes koén te lélo co’o Mori Yésus pandé tanda lengetn.

LUKAS 23:8 Referans Kwoze

MARKUS 6:14

Hi raja Hérodés kolé dengé taung tombo ngasang de Mori Yésus ai pecing taung lata ngasang Diha agu mai taé data: “Hi Yohanés Cebong poli to’o kolé oné mai ata matan agu itu tara mangan do kéta kuasa oné hia.”

MATÉUS 14:1

Lété hitu dengé tombo latang te Mori Yésus li Hérodés raja tana hitu.

TOMBO PÉTÉ GORI DE RASUL-RASUL 8:19

agu mai taén: “Téing koé oné aku iwon kuasa hitu, kudut émé témba kolé limé daku éta sa’i data, hia kolé ngancéng tiba Nai Nggeluk.”

LUKAS 4:23

Maig taéN ngong isé: “Toét-toé, méu taé go’ét ho’o ngong Aku: Oé doktér, pandé ina koé weki rum di. Pandé koé cé’é ho’o kolé, oné béo rum ho’o, sanggéd situt dengé lami ata poli jarid oné Kapérnaum!”

MARKUS 8:34

Itu kali Mori Yésus bénta ata do agu ata nungku Diha, mai taén ngong isé: “Céing kaut ata ngoéng lut Aku hia paka pali weki run, pola panggoln agu lut Aku.