LUKAS 23:5 - Bahasa Manggarai New Testament

⁵ Maik isé danga-danga kétas soré Hiad, mai taéd: “Hia cocong ro’éng ali toingn oné temu tana Yudéa; wangka oné mai Galiléa, haéng ho’o cé’é.”

LUKAS 23:5 Referans Kwoze

YOHANÉS 2:11

Tanda lenget hitut pandé le Mori Yésus oné Kana, tana Galiléa, ata te laring cain oné mai sanggéd tanda lenget Diha. Agu le hitu Hia pandé bong ngasang’N agu sanggéd ata nungku’N imbi Hias.

YOHANÉS 1:43

Ného diang leson kolé ga, Mori Yésus poli ngalis'N te ngo nggere-oné Galiléa, Hia cumang agu hi Pelipus, agu mai taén ngong hia: “Mai ga, lut Akuh!”

MARKUS 1:14

Du poli dekon hi Yohanés, itug kali main Mori Yésus nggere-oné Galiléa te toing Keréba Di’a de Mori Keraéng,

MATÉUS 4:23

Mori Yésus lako léok Galiléa; oné mbaru-mbaru ngaji, nitus Liha toing agu ba kréba di’a de Adak Surga, pandé moras sanggéd beti agu ata lema-léngkus ba wekid oné uku situ.

TOMBO PÉTÉ GORI DE RASUL-RASUL 23:10

Mangan léwang tau mésé, wiga rantang kepala tentera émé isé pandé cecut hi Paulus. Landing hitu hia perénta tentera kudut wa’u nggere-wa agu dadé hi Paulus oné mai bahi-réha isén agu ngo oné mbaru de tentera.

TOMBO PÉTÉ GORI DE RASUL-RASUL 10:37

Pecing taung le méu, sanggéd cao-ca ata poli jarin oné temu tana Yudéa, pu’ung oné mai Galiléa, du poli cebong hitut keréba di Yohanés,

TOMBO PÉTÉ GORI DE RASUL-RASUL 7:57

Landing ciék taungs isé agu cang agu tadu tilud, isé umber hia lisé.

TOMBO PÉTÉ GORI DE RASUL-RASUL 7:54

Du sanggéd Adak Agama situ dengé sanggéd tombo situ, ati disé néhot ata jelok. Tiba lisé ali kérek-ngis.

TOMBO PÉTÉ GORI DE RASUL-RASUL 5:33

Déngé curup hitus, beti tu’ung naid haéd ata jelok atid, agu isé get kudut mbélé rasul-rasul situ.

YOHANÉS 19:15

Itug kali ciékd isé: “Mbér Hia! Mbér Hia! Pangkot oné panggol Hia!” Mai taé di Pilatus ngong isé: “Paka pangkot oné panggol laku Rajas ko?” Mai walé de imam kepala: “Ami toé manga Rajagm, hanang Kaisér kali!”

YOHANÉS 7:52

Mai walé disé: “Asa ata Galiléa kolé hau ta? Damang céca di’a oné Surak Nggeluk, kudut pecing le hau toé manga nabi ata mai oné mai Galiléa.”

YOHANÉS 7:41

Mai taé data iwod: “Hia ho’o hi Mésias.” Maik manga kolé wantil data iwon: “Toé ta, hi Mésias toé mai oné mai Galiléan.

LUKAS 23:23

Maik agu ciékd isé, soré agu soléng kétas, kudut Hia paka panggoly; agu cemoln ga, iség lalongn ali ciékd.

LUKAS 11:53

Agu du Mori Yésus kolé oné mai osang hitun, ata pecing Taurat agu ata Parisi lémét mtaung lisé, agu tundung kéta réi do agu Hia.

MATÉUS 27:24

Woko lélo li Pilatus te oké bod sanggéd curup diha, ngot wangkag kolé te manga rihi-rahat, itu kali emi waén agu samo limén oné ranga data do agu mai taén: “Aku toé manga salag latang te dara data ho’o; aiks weki rus méu!”

MATÉUS 2:1

Du poli loasn Mori Yésus oné béo Bétléhém tana Yudéa, lété du perénta de raja Hérodés, mais ata majus awo mai par te nggersalé Yérusalém,

MATÉUS 11:1

Du Mori Yésus poli taungs pedén oné rasul situt campulu sua, ngog Hia nitu main te toing agu te tombo Keréba Di’a oné sanggéd béndar disé.

LUKAS 23:6

Du dengé hitu li Pilatus, mai réi diha, ot ata Galiléa Hia ho’o.