LUKAS 23:19 - Bahasa Manggarai New Testament

¹⁹ Hi Barabas ho’o tara na’a oné buin, landing pandé raha oné béndar, agu ala atay.

LUKAS 23:19 Referans Kwoze

TOMBO PÉTÉ GORI DE RASUL-RASUL 3:14

Maik méu poli capu Ata Nggeluk agu Molor, agu nanang cengata ata ala ata latang te méu.

LUKAS 23:5

Maik isé danga-danga kétas soré Hiad, mai taéd: “Hia cocong ro’éng ali toingn oné temu tana Yudéa; wangka oné mai Galiléa, haéng ho’o cé’é.”

LUKAS 23:2

Nitu isé pu’ung buang Hiad, taéd: “Poli regéng le rug ami ata ho’o pandé wéléng ata damiy, agu ré’ing bajar taki oné kaisér; agu taén latang te weki run: Hia léng hi Kristus Rajay.”

MARKUS 15:7

Agu du hitu manga cengata, ngasangn hi Barabas, lari buin cama-cama agu pisa taus ata pandé raha. Isé poli mbelé atad du raha.

LUKAS 23:18

Maik isé cengkali kaut raosd: “Pandé mata Hia, lego hi Barabas latang te ami!”

LUKAS 23:20

Curup kolé téké cengkalin li Pilatus, mai reweng ta’an agu isé, ai hia ngoéng te lego Mori Yésusy.

TOMBO PÉTÉ GORI DE RASUL-RASUL 21:38

Jari, toé néng hau ata Mesir ho’ot ho’o koé di, pandé rampas agu wéndo pat sebu ata siot teti harat agu losi nggere-oné satar mambak?”