LUKAS 2:9 - Bahasa Manggarai New Testament

⁹ Rodo hesén cengata malékat de Mori Keraéng ruis isé, agu dirap de Mori, néray baling isé; agu isé rantang da’ats.

LUKAS 2:9 Referans Kwoze

2 KORINTUS 3:18

Sanggéd taung ité ho’o toé manga rédung rangad, ai sereméng mengit de Mori Keraéng. Mengit hitu mai oné mai Mori Keraéng, itu tara ité rémé célungd te ciri cama agu gambar Diha, oné mengit hitut tambang mésén.

WIDANG SI’ANG ONÉ HI YOHANÉS 18:1

Poli hitu ita laku cengata malékat bana wa’u éta-mai Surgan. Hia manga kuasa mésén, agu lino ho’o ciri géraky ali mengit diha.

TOMBO PÉTÉ GORI DE RASUL-RASUL 27:23

Ai oné wié cengata malékat de Mori Keraéng ata io daku, paéng de Run, hesé oné racap daku,

TOMBO PÉTÉ GORI DE RASUL-RASUL 5:19

Maik le wié, cengata malékat de Mori Keraéng wuka taungs para bui hitu agu dadé isé nggere-pé’ang agu mai taén:

YOHANÉS 12:41

Curup ho’o di Yésaya ai hia poli ita dirapn agu poli curup latang te Hian.

LUKAS 24:4

Rémé di’a heséd agu ngingi-ngangangd landing ita hitu, itu wan ita sua taus ata, hesé ruis isé, paké ceca ata silep kétas.

WIDANG SI’ANG ONÉ HI YOHANÉS 20:11

Itug kali itan laku ca seriga bakok mésé agu Hiat lonto bétan. Awang agu tana mora bolo-mai ranga Diha, wiga toé manga ita koléd.

IBRANI 12:21

Apa hitut ita le wa’u Israél leng tu’ung rangopn, wiga mai taé di Musa, “Aku rantang agu jejer kétak.”

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

TOMBO PÉTÉ GORI DE RASUL-RASUL 12:7

Rodo hesé cengata malékat de Mori Keraéng ruis hi Pétrus agu gérak taung oné lo’ang bui hitu. Malékat hitu entap hi Pétrus kudut kéngkon, mai taén: “To’o gélang é!” Du hitu muing kedok taungs ranté oné mai limé di Pétrus.

LUKAS 1:28

Du malékat hitu ngo oné mbaru di Marian, mai taén: “Tabé, ité ata widang berkak le Morin, Mori Keraéng manga agu itéy.”

MATÉUS 1:20

Maik du rémé tenang tu-tu’ungn liha te pandé céarn, malékat de Mori Keraéng ita liha oné nipin, agu mai taén: “Yosép, anak Daud, néka rantang hau te emi hi Maria kudut jiri haé kilom, ai anak hitut lari dé’in le kuasa de Nai Nggeluk.

LUKAS 2:8

Oné tana hitu manga isét lami jimbal, ata ka’éng oné satar lami paéngd le wié.