LUKAS 2:51 - Bahasa Manggarai New Testament

⁵¹ Itug kali kolén Hia cama laing agu isé nggere-oné Nasarét; agu Hia uwa oné isé kin. Endén na’a oné nai taungs curup situ.

LUKAS 2:51 Referans Kwoze

LUKAS 2:19

Maik hi Maria na’a taung oné nain sanggéd tombo situ agu tenangs liha.

MARKUS 6:3

Toé weli Hia ata tukang hajuy, anak di Maria, asé-ka’én hi Yakobus, hi Yosés, hi Yudas agu hi Simon? Agu toé weli weta Diha manga cama-cama agu ites?” Itug kali majan lisé agu doét Hias.

1 PETRUS 2:21

Ali hitu tara béntas méu le Mori Keraéng, ai hi Kristus kolé poli ta’ong susa latang te méu agu poli reding tomingN, kudut méu lut lé’é Diham.

MATÉUS 3:15

Mai wantil de Mori Yésus agu hia, taén: “Kong jarid sanggéd situ, ai nenggitu muing ata kopn lité kudut rapak sanggéd ngoéng de Mori Keraéng.” Lorong kaut Hia li Yohanés.

ÉFÉSUS 5:21

Jinggop koé ba weki cama taus ali junggu oné hi Kristus.

LUKAS 2:39

Du poli pandéd taung situ, lut Adak de Mori Keraéng, itus kali koléd oné béndar baté ka’éngd, béndar Nasarét oné Galiléa.

MATÉUS 12:46

Du lari curup Mori Yésus agu ata do situ, endén agu asé-kaén hesé kid bepé’ang agu isé nanang te cumang Hias.

MARKUS 1:9

Du hitu mai Mori Yésus oné mai Nasarét tana Galiléa, agu Hia cebong li Yohanés oné Waé Yordan.

LUKAS 4:16

Hia ngo oné Nasarét, béo baté uwan, agu lorong laséngn du leso Sabat, Hia ngo oné Mbaru ngajiy, agu hesé kudut bacang Kitab Nggeluk.

LUKAS 4:23

Maig taéN ngong isé: “Toét-toé, méu taé go’ét ho’o ngong Aku: Oé doktér, pandé ina koé weki rum di. Pandé koé cé’é ho’o kolé, oné béo rum ho’o, sanggéd situt dengé lami ata poli jarid oné Kapérnaum!”

LUKAS 18:37

Mai taé data ngong hia: “Hi Yésus ata Nasarét liba cé’é ho’oy.”