LUKAS 2:40 - Bahasa Manggarai New Testament

⁴⁰ Anak koé hitu éta-éta uwan agu weger gi, nggalas kétay, agu momang de Mori Keraéng penong oné Hiay.

LUKAS 2:40 Referans Kwoze

LUKAS 2:52

Agu Mori Yésus éta-éta tu’an, agu tambang nggalas agu mésén, agu danga-danga momangn le Mori Keraéng agu manusia.

LUKAS 1:80

Anak koé hitu, éta-éta tu’an agu danga-danga weger nain. Agu hia ka’éng oné satar mambaky dengkir leso hia paka toto wekin oné Israél.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

LUKAS 2:47

Sanggéd taung isét séngét curup Diha lenget laing cedekn, nenggitu kolé sanggéd walé Diha situ.

2 TIMOTIUS 2:1

Oé Timotéus anak daku! Ciri mberes koéh ali tabing ata téing di Kristus oné ité.

ÉFÉSUS 6:10

Méu weli ga, poro mberes koém oné kuasa de Mori Keraéng.

TOMBO PÉTÉ GORI DE RASUL-RASUL 4:33

Agu ali kuasa mésé, sanggéd rasul téing saka-si latang te mosé kolé de Mori Yésus agu sanggéd taung isé mosé oné widang do de Mori Keraéngs.