LUKAS 18:13 - Bahasa Manggarai New Testament

¹³ Maik hiat tegi béa hitu hesé déu-déuy, ngot hia toé nga’on te conga nggere-éta awang, maik hia kali entap di’a berambangn, agu mai taén: Yo Mori, ba’éng koé aku ho’ot ndékok.

LUKAS 18:13 Referans Kwoze

2 TIMOTÉUS 1:15

Curup ho’o molorn agu patun te tiba di’a-di’ay, “Hi Kristus Yésus mai oné lino ho’o latang te pandé selamak ata ndékok.” Agu oné-mai sanggéd ata ndékok situ, aku kétay ata ndékok mésén.

LUKAS 23:48

Agu du sanggéd ata do situt mai rentum nitus, te porong apa situt poli jarid, itus kali koléd cang agu entap berambang de weki rud.

IBRANI 8:12

Ai Aku kudut ampongs sanggét sala disé agu pandé hémong taungs sanggéd ndékok disé.”

TOMBO PÉTÉ GORI DE RASUL-RASUL 2:37

Du dengén lisé tombo hitu nawes kéta naid, itug kali réi oné hi Pétrus agu rasul-rasul situt cebana: “Apa weli ata paka pandé dami asé-ka’én?”

IBRANI 4:16

Landing hitu, mait ga agu rani naid, nggere-oné seriga Diha ata widang tabing, kudut tiba nabit agu tabing latang te campé du rapak leson.

ROMA 5:8

Maik nenggo’oy dé Mori Keraéng toto momang’N oné ité: Du ité lari ndékokd, hi Kristus poli matan latang te ité.

LUKAS 5:8

Du ita li Simon Pétrus tanda lenget hitu, hia cunem wa ranga de Mori Yésusy, agu mai taén: “Mori, co’om tadang koét oné mai akud, ai aku ho’o ata ndékok.”

2 KORINTUS 7:11

Ai pélét di’a-di’a, apa cirn latang te méu wéong nai hitut lorong ngoéng de Mori Keraéng. Méu pandé si’angn mbolot, jogot te pandé ndékok, rantang te pandé sala; méu ciri ata kembung, semengak, agu wahéng ata sala! Oné sanggéd taung mbolot situ, poli toton le méu, te méu toé manga salas.

MATÉUS 9:13

Jari ngom ga, idep di’a betuan reweng ho’o: Ata ngoéng Daku momang agu mohas, toé téing takung, ai mai daku, toé bénta isét molor, maik ata ndékok.”

LUKAS 17:12

Lété Hia ngo oné ca béon, mai cepulu taus ata boké cumang Hia. Isé hesé daing tadangd,

MATÉUS 6:5

“Agu émé ngaji méu, néka ného ngaji data pisik. Isé ngoéng étan ngajid cang agu heséd oné mbaru-mbaru ngaji agu oné salang mésé, kudut pala ita latas. Aku taé agu méu, moro matan, isé polig manga lahén.

MATÉUS 10:3

hi Pelipus agu Bartoloméus, hi Tomas agu hi Matius ata tegi béa, hi Yakobus anak di Alféus, agu hi Tadéus,

MARKUS 11:25

Agu émé hesém te ngaji, olong ampongs di le méu, émé manga ata kodo le méu oné nais kudut le hitu kolé Emas hitut éta Surga, ampong taung sanggéd ndékoks.” [

LUKAS 22:41

Poli hitu, Hia ngo tadang nitu main, anggat cepeké watu déun, itu kali tikuln Hia agu ngajin, mai taé Diha: