LUKAS 12:26 - Bahasa Manggarai New Testament

²⁶ Jari, émé méu toé ngancéng pandé ceca ata merik-kejikn, co’o tara simpungn weli le méu, apa situt bana?

LUKAS 12:26 Referans Kwoze

1 PETRUS 5:7

Condo taung simpungs oné Hia, ai Hia tinu méuy.

LUKAS 12:29

Jari, méu néka curup laing apa kéta hangs, ko apa kéta té inungs méu, agu néka kéta soang nais.

MATÉUS 6:25

“Landing hitu Aku taé agu méu: Néka simpung latang te mosém, latang te hang ko inung, néka simpung laing kolé latang te wekim, latang apa te pakés. Toé weli mosé hitu céwé mésén, itu pong hang bara, agu weki céwé mésén, itu pong wéngko weki?

LUKAS 12:25

Céing weli oné mai méun, hitut landing kaut simpungn, ngancéng tambang ca cikun léwén mosén?

LUKAS 12:27

Lélo damang wéla wangkung, hitut toé tiling agu toé dedangy; maik Aku taé agu méu: Hi raja Salomo agu taung di’a dirapn situ kolé, toé kin di manga paké ata cama di’a ného can oné mai wéla situ.