LUKAS 1:35 - Bahasa Manggarai New Testament

³⁵ Wantil de malékat hitu agu hia: “Nai Nggeluk wa’u oné itéy, agu kuasa de Mori Keraéng ata langkas kéta te sémbéng itéy; ali hitu, anak hitut kudut loas lité Anak nggeluk de Mori Keraéng.

LUKAS 1:35 Referans Kwoze

MATÉUS 1:18

Loasn Mori Yésus Kristus nenggo’oy: Du hi Maria Ended Mori Yésus, toé di naca agu hi Yosép, hi Maria polig na’ang wekin le kuasa de Nai Nggeluk, du toé di wina-ronas.

YOHANÉS 1:49

Mai taé di Natanaél kamping Hia: “Rabi, Ité Anak de Mori Keraéng, Ité Raja data Israél!”

YOHANÉS 1:34

Polig itan laku Hia, ho’og laku téing sakasin: Hia ho’o tu’ung Anak de Mori Keraéng.”

ROMA 1:4

maik lorong Nai Nggeluk si’ang le to’o kolé Diha oné mai ata mata, te Hia kéta Anak de Mori Keraéng ata manga kuasan, hi Yésus Kristus Mori dité.

MATÉUS 1:20

Maik du rémé tenang tu-tu’ungn liha te pandé céarn, malékat de Mori Keraéng ita liha oné nipin, agu mai taén: “Yosép, anak Daud, néka rantang hau te emi hi Maria kudut jiri haé kilom, ai anak hitut lari dé’in le kuasa de Nai Nggeluk.

MARKUS 1:24

“Co’o kéta betuan tara mai cé’é amim hau Yésus ata Nasarét? Asa kudut mai pandé kosé ami Hau? Pecing laku, céi Hau hitu: Ata Nggeluk oné mai Mori Keraéng.”

MATÉUS 27:54

Kepala de serdadu agu sanggéd serdadu ata lami Mori Yésus, cirik rantang kéta taungs du ita lisé nupung agu sanggéd situt ata polid, itug kali mai taéd: “Tu’ung-tu’ung kéta, Hia ho’o Anak de Mori Keraéngy.”

IBRANI 4:15

Imam Mésé dité hitu, toé imam mésé ata toé lut manté leme-léngkus dité. Ngot cama ného itéy, Hia poli damangn, landing Hia toé pa’u oné ndékoky.

LUKAS 1:27

oné cengata anak molas hitut naca agu cengata ata ngasangn hi Yusuf oné mai kilo di Daud; ngasang de anak molas hitu hi Maria.

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

TOMBO PÉTÉ GORI DE RASUL-RASUL 8:36

Isé lako rudas, dengkir cai oné ca osang ata manga waén. Mai taé de pegawé de raja hitu: “Lélo, nitu manga waé; manga kin do’ong latang te aku kudut cebong le waé serani?” [

YOHANÉS 20:31

maik sanggéd so’ot mangad poli tulisd kudut imbi le méu te Mori Yésus hitu hi Mesias, Anak de Mori Keraéng, agu landing imbis hitu, méu manga mosés oné ngasang Diha.

MARKUS 1:1

Ho’o dé kréba di’a laring cain te tombo Mori Yésus Kristus Anak de Mori Keraéng.

ÉFÉSUS 2:3

Bo danong sanggéd taung ité cama kolé ného isé. Du hitu mosé dité lut kaut belek da’at de weki agu nai dité. Ce-tu’ungn ité du hitu hena le rabo de Mori Keraéng cama ného ata bana situ.

MATÉUS 14:33

Agu sanggéd isét oné wangka suju Hias, mai taéd: “Tu’ung-tu’ung kéta Ité Anak de Mori Keraéngt.”

MATÉUS 4:3

Itug kali main jing da’at hitut damang Hia, mai taén ngong Hia: “Émé Anak de Mori Keraéng Hau, jeras dé le Hau watu-watu so’o te ciri roti.”

LUKAS 1:34

Curup di Maria ngong malékat hitu: “Co’o kéta néng ngancéng jari apa hitu, ai aku toé di neki agu ronag?”

LUKAS 1:36

Agu moro matan, hi Élisabét, asé-ka’ém hio, hia kolé te ho’on, na’ang wekin cengata anak ata rona du turung tu’an, agu ho’og wulang te enem, hia hitut le taé ata toé wingy.