KOLOSÉ 3:7 - Bahasa Manggarai New Testament

⁷ Danong, méu kolé pandé sangged belek de lino situ, du méu mosé kin lorong belekn.

KOLOSÉ 3:7 Referans Kwoze

ÉFÉSUS 2:2

Du hitu méu mosé lut ruku de lino ho’o, te lorong ata cau kuasa de awang ngong nai hitut weger kéta oné bahi-réha ata toé junggu agu Mori Keraéng.

TITUS 3:3

Danong, ité kolé bodok moséd: kembe-lu’ak, wéléng, ciri mendi de sanggéd belek da’at, mosé nanang te pandé da’at kanang, guér, guték, lenci, agu kodo tau.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

KOLOSÉ 2:13

Koném po méu danong matam ali manga ndékoks agu ali toéd sunat wekis, maik poli pandé mosé kolé le Mori Keraéng cama laing agu hi Kristus. Mori Kraéng ampong taungs sanggéd ndékok dité,

ROMA 7:5

Ai danong, du ité lari moséd lorong belek de weki, nanang kéta te pandé ndékok ata katéng le wintuk Taurat oné weki dité, wiga cemoln mata laing latang te ité.