KOLOSÉ 3:12 - Bahasa Manggarai New Testament

¹² Landing hitu, ai méu ata poli pilé le Mori Keraéng te ciri nggeluk agu momang Liha, méu weli ga paka: lembak nai, gawas, kasi-asi nai, hemu-hel, agu ngéngga nai.

KOLOSÉ 3:12 Referans Kwoze

ÉFÉSUS 4:32

Maik méu kali poro réncéng koém cama taus, penong ali momang agu ampong cama taus, ného Mori Keraéng poli ampong méun le létang laing hi Yésus Kristus.

ÉFÉSUS 4:2

Nahé méu kali paka jinggop agu lembak. Toto kali momangs hitu oné campé tau,

1 YOHANÉS 4:19

Ité paka momang taud, ai olong Mori Keraéng momang ité.

KOLOSÉ 3:10

Meu poli paké manusia weru hitut nukung pandé werun lorong gambar de Mori Dédék, kudut pecing tu'ung Mori Keraéng.

2 PÉTRUS 1:10

Asé-ka’én, landing hitu mping koé wuli wekis, kudut tambang kéta galan rang de méu, ai méu ata poli bénta agu pilé le Mori Keraéng. Émé pandé le méu situ, toé manga wéléng mosés.

TÉSALONIKA 5:15

Lélo di’a-di’a, boto manga ata léko da’at ali pandé da’at, maik wuli koé wekis kudut néténg-néténg méu agu sanggén ata, pandé kanang ata di’ad kaut.

2 KORINTUS 6:6

Ami gori ali nai ngalis-tuka ngéngga agu gawas, lorong Nai Nggeluk agu momang oné-mai molor nai.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

2 TIMOTIUS 2:10

Landing hitu aku ta’ong te tanggong sanggéd taung situ latang te di’a sanggéd ata pilé de Mori Keraéng kudut isé kolé tiba selamaks oné hi Kristus Yésus ali mengit tédéng lén.

ROMA 1:7

Latang te sanggés méut ka’éng oné Roma, ata momang le Mori Keraéng, ata bénta agu ciri ata nggelukm: Tabing loréng méu agu hambor-meler oné mai Mori Keraéng, Ema dité agu oné mai Mori Yésus Kristus.

TITUS 1:1

Oné-mai aku hi Paulus, mendi de Mori Keraéng agu rasul di Yésus Kristus latang te tinu imbi de weki serani agu pecing do latang te molor, ného hitut ita oné ngaji dité,

MATÉUS 24:31

Agu hia te jera pé’ang taungs malékat-malékat kudut tebang terompét ata maor kéta runingn, agu isé te nekek taungs ata poli lird oné mai pat lok de lino, oné mai binting awang ca, haéng binting awang bana.

LUKAS 18:7

Toé weli Mori Keraéng te pandé molors ata situt pilén, situt wié lesod kepok oné Hiad? Manga weli lé-lén Liha leso be bolon campé isé?

LUKAS 1:78

le widang agu mohas oné mai Mori Keraéng dité, ali nia Hia te laat ité, mataleso gula éta mai osang langkas,

MARKUS 13:27

Agu du hitu kolé, wuats Liha malékat, agu kudut te nekek taungs sanggéd ata poli lir Dihad, da’on awo, ambén salé, ulun le-wa’in lau, oné mai comongn lino haéng pé’ang binting awang.

ÉFÉSUS 4:24

Nahé méu kali mosé ného manusia weru ata poli dédék lorong baté ngoéng de Mori Keraéng, ngong gauk molor, nggeluk agu toé mbéko-mbakot.

2 TIMOTIUS 1:9

Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

PILIPI 1:8

Pecing le Mori Keraéng te aku kembung kéta méuk, ného momang agu mohas di Kristus Yésus.

ÉFÉSUS 1:4

Létang laing Hia, Mori Keraéng poli pilé ité be bolon dédék lino, kudut ciri nggeluk agu toé manga celad.

ROMA 9:11

Ai du sanggéd anak situ toéd loas agu toéd pecing te pandé di’a ko da’at, kudut ngoéng de Mori Keraéng te wakéy latang te pilé Diha. Toé landing le pandé, maik landing le bénta Diha --

MARKUS 13:22

Ai te cais Mésias-Mésias Tangké agu nabi-nabi tangké, isé te pandé tanda agu tanda lenget kudut émé ngancéng, pandé copél ata poli lir.

MARKUS 13:20

Agu émé toé pandé wokok cekeng hitu le Mori Keraéng, op kali sanggéd apa kaut ata mosé, toé manga cengatan ata mba’én: maik landing ata siot poli lir Diha, pandé wokok cekeng itu le Morin.

MATÉUS 24:22

Agu émé toé pandé wokoky cekengn, oné mai sanggéd apa kaut so’ot moséd, toé kéta manga retangd; landing le manga isét poli lird cekeng hitu te pandé wokok kauty.

WIDANG SI’ANG ONÉ HI YOHANÉS 17:14

Isé kudut rampas dungkang Anak Jimbal. Maik Anak Jimbal hitu agu sanggéd ata situt imbi Hias, ngong isét poli piléd agu poli béntad, ngancéng pandé kodas raja situ, ai Anak Jimbal hitu dé, Mori de sanggéd mori agu Raja de sanggéd raja.”

2 YOHANÉS 1:13

Tabé latang te hau oné-mai sanggéd anak de asé-ka’ém ata poli kolé piléd le Mori Keraéng.

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

ROMA 13:14

Maik nggiling laing Mori Yésus Kristus agu néka lorong belek de weki hitut pandé lo’o todong kaut.

1 KORINTUS 13:4

Momang hitu lembakn, momang hitu di’a nain, hia toé manga jogotn. Hia toé manga angos weki run agu toé manga mésé nain.