KOLOSÉ 2:6 - Bahasa Manggarai New Testament

⁶ Méu poli tiba hi Kristus Yésus, Mori dité. Landing hitu, poro kong kin méu nai ca anggit agu Hiam.

KOLOSÉ 2:6 Referans Kwoze

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

1 YOHANÉS 2:6

Céing kaut ata taé te hia nai ca anggit agu Mori Keraéng, paka mosé cama ného hi Kristus.

TÉSALONIKA 4:1

Cemoln ga, asé-ka’én, toing agu titong dami latang te méu le ngasang de Mori Yésus: Méu poli dengé oné-mai ami, co’o ata di’an mosé de méu kudut pandé nisang nai de Mori Keraéng. Toing hitu, bo kali poli lorongn le méu ga, maik céwé di’an kolé émé méu pandé tu’ung-tu’ung kéta-mai wa-mai nain.

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

2 KORINTUS 5:7

Mosé dami ho’o, mosé landing le imbi, toé landing apa ata ita le mata.

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

YUDAS 1:3

Asé-ka’én ata momang kéta laku! Rémé koé mping’g aku tulis latangt méu, kudut te selamak cama dité. Tulis ho’o daku latangt méu ali hus naig te toing méu, kudut mping koé kis cau imbi hitut poli tiba le sanggéd weki serani.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

PILIPI 1:27

Mosé de méu paka helek lorong Keréba Di’a di Kristus. Wiga, émé maik aku, ita laku; agu émé toé maik aku, dengé kin laku te méu cedek kis hesés oné nai ca anggit agu tuka ca léléng te rébok latang te imbi hitut todo oné mai Keréba Di’a.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

ÉFÉSUS 4:1

Aku hi Paulus, ata bui landing keturu Mori Keraéng, toing méu: mosé koém ného taras ata poli pilé le Mori Keraéng.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

YOHANÉS 13:20

Aku taé agu méu: Tada laingn, céing ata tiba ata hitut wuat Laku, hia tiba Akuy. Agu céing ata tiba Aku, hia tiba Hiat wuat Akuy.”

MATÉUS 10:40

Céi-céing ata tiba méu, hia tiba Akuy, agu céing ata tiba Akuy, hia tiba Hiat wuat Akuy.

1 KORINTUS 1:30

Maik, ali Mori Keraéng, méu neki ca oné hi Kristus Yésus, ata poli téi nggalas le Mori Keraéng latang te ité. Hia pandé molor agu pandé nggeluk agu sambé ité.

GALATIA 3:26

Ai sanggés taung méu ciri anak de Mori Keraéng lut imbis oné hi Yésus Kristus.