KOLOSÉ 2:4 - Bahasa Manggarai New Testament

⁴ Tombo ho’o laku, boto manga ata adong méu ali curup ata minakd.

KOLOSÉ 2:4 Referans Kwoze

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

MATÉUS 24:4

Mai walé de Mori Yésus agu isé: “Néka témo, boto manga ata pandé cibul méu!

2 YOHANÉS 1:7

Do tuad ata nggopét agu ngo oné temu tana linos. Ata nggopét situ toé imbi te hi Yésus Kristus poli wa’un oné lino ba tara de manusia. Hitus dé ata bali di Kristus te pandé wéléng ata.

MARKUS 13:22

Ai te cais Mésias-Mésias Tangké agu nabi-nabi tangké, isé te pandé tanda agu tanda lenget kudut émé ngancéng, pandé copél ata poli lir.

WIDANG SI’ANG ONÉ HI YOHANÉS 20:8

Hia ngo oné pat bincung lino kudut pandé wéléng sanggéd wa’u, ngong hi Gog agu hi Magog. Og kali impungd bantang te rampas. Dod weki disé cama ného laing sili tacik.

2 TIMOTIUS 3:13

Nakat ata da’at agu ata nggopét te tambang da’ats, isé te wéléngs agu pandé wéléngs lata.

2 TIMOTIUS 2:16

Maik tadang koé oné-mai curup lo’i-la’it ata toé nggeluk, siot hanang te tambang pandé da’at ba weki data.

ÉFÉSUS 5:6

Méu néka wéléng landing le curup data siot toé manga betuan, ai curup disé situ pandé siro rabo de Mori Keraéng.

TOMBO PÉTÉ GORI DE RASUL-RASUL 20:30

Ngot oné mai weki rus méu, te cai pisa taus ata agu toing adong’d, gejur kéta te pandé péndot ata nungku oné mai salang molor kudut lorong isé.

WIDANG SI’ANG ONÉ HI YOHANÉS 20:3

Poli hitu peké liha nggere-oné ngampang mata, tadu liha agu na’a roku bétan. Ali hitu, manunggé hitu toé ngancéng kolé pandé wéléng sanggéd wa’u, émé toé di cemol ca sebu ntaung hitu. Itu po legoy, maik te dokong kaut.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

1 YOHANÉS 2:26

Tulis sio éta daku bao latang te méu, ngong sanggéd ata siot rémé pandé wéléng méud.

1 YOHANÉS 2:18

Sanggéd anak daku! Ho’o gi cekeng turung cemol. Polig dengén le méu Danong, ata lawang hi Kristus kudut mais ga. Te ho’on ga do kétas tuad ata te lawang hi Kristus. Hituy dé tandan, ruis te cai gi cekeng turung cemol.

KOLOSÉ 2:18

Néka ondang ontong de méu génggél lata siot pisik kasi-asi naid, agu suju malékats ko bombong-rakd le wéla-mata agu toé manga comongn pandé mésé-nai weki ru ali nuk de lino,

KOLOSÉ 2:8

Jengkek di’a-di’am, boto manga ata pandé wa-nai de méu ali go'ét mésé data hitut pandé adong. Go'ét mésé situ toé lorong hi Kristus, maik lorong toing de manusiay agu déwa-du'ang de lino ho'oy.

GALATIA 2:4

Bo tu’ung manga denet oné-mai asé-ka’é tangké situt rodo ci-cop ngo oné weki serani. Get disé émé bonés kudut pandé caka lélo ngoéng di’a dité ata paéng oné nai ca anggit agu hi Kristus Yésus. Ali hitu isé ngancéng pandé mendi ités.

2 KORINTUS 11:3

Maik aku simpung kolék, émé nuk de méu wéléng kolé te toé junggu oné hi Kristus, cama ného hi Hawa danong hena le nggopét de ular hitut jondér.

1 KORINTUS 2:4

Sanggéd curup daku, ko keréba daku toé tombos laku ali penong le widang de lino, maik ali imbi oné kuasa de Nai Nggeluk.

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

ÉFÉSUS 4:17

Le ngasang de Morin, aku taé agu si’ang tu’ung oné méu: Néka mosé ného ata siot toé pecing Mori Keraéng agu nuk ata toé manga betuad.