KOLOSÉ 2:2 - Bahasa Manggarai New Testament

² Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

KOLOSÉ 2:2 Referans Kwoze

KOLOSÉ 1:27

Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

KOLOSÉ 4:8

Hia jera laku ngo oné méuy, betuan ga kudut pecing le méu keréba latang te ami agu kudut hia lémbu nai de méu.

ÉFÉSUS 6:22

Latang te hitu dé, tara jeran hia laku te ngo oné méu, kudut méu pecing keréba latang te ami agu kudut hia lémbu nai de méu.

KOLOSÉ 3:14

Bétan mai sanggéd taung situ: méu paka momang tau, ai momang tau hitu ata pandé neki-ca agu pandé besik asé-ka'é ca imbi.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

PILIPI 3:8

Ngot sanggéd cao-ca rékéng laku toé manga betuad. Latang te aku, pecing hi Kristus Yésus Mori daku hitu céwé angos oné-mai sanggéd taung cao-ca. Landing ali Hia, aku poli ledo sanggéd taung situ ai rékéng laku sanggéd situ ného wéangs, kudut aku tiba hi Kristusk

PILIPI 2:1

Ali nai ca anggit agu hi Kristus, méu tiba mberes, lémbu le momangN agu ciri ca nai oné Nai Nggeluk, wiga méu momang agu mohas taum.

2 PÉTRUS 1:3

Mori Keraéng pu’un kuasa poli tabing latang te ité sanggéd cao-ca ata betua laing kudut mosé nggeluk. Pandé hitu Diha, ai ité pecing hi Kristus hitut poli bénta itén, ali kuasaN hitut mengit agu dio-dolokn.

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

YOHANÉS 10:30

Aku agu hi Emag, cakm kali.”

YOHANÉS 6:69

agu poli imbid lami agu pecing te Ité ata nggeluk oné mai Mori Keraéng.”

IBRANI 10:22

Landing hitu, mait ga ité ngo cumang Mori Keraéng ali molor nai agu metek imbi; ai nai dité poli pandé nggélokn oné-mai ici nai da’at agu weki dité poli cebong le waé gélon.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

IBRANI 6:11

Ngoéng dami kudut néténg-néténg méu néka ngondé holes agu néka mejeng hesé dengkir cemoln wiga méu toét-toé tibas apa ata bengkes de méu.

KOLOSÉ 1:9

Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

GALATIA 3:28

Itu tara, toég manga kolé woléngn, ata Yahudi ko ata Yunani, mendi ko ata toé mendi, ata rona ko iné-wai, ai sanggés taung méu ciri cam kali oné hi Kristus Yésus.

1 KORINTUS 2:12

Ité toé tiba nai de lino, maik nai de Mori Keraéng, kudut pecing lité apa ata widang Diha latang te ité.

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

YOHANÉS 16:15

Sanggéd-ménan situ Diha Emas morid, situ kolé léléng Dakus morid; landing hitu curup muing Laku: Hia te keréba oné méu, sanggéd situt tiba Liha oné mai Akud.”

YOHANÉS 10:38

maik émé pandés Laku, agu méu toé imbi Akum, tamat imbis kali gori situ, kudut méu ngancéng pecing agu haéng pa’éld te Hia Ema manga oné Akuy agu Aku oné Hia Emak.”

YOHANÉS 5:23

kudut sanggéd ata situt hiang hi Anak cama ného hiang hi Ema. Céing kaut ata toé hiang hi Anak, cama ného toé hiang hi Emay hitut wuat Hia.

YOHANÉS 5:17

Maik mai taé Diha agu isé: “Ema Daku gori dengkir te ho’on, ali hitu, Aku gori nenggitu kolék.”

MATÉUS 11:27

Sanggéd taung poli widang agu Akud le Emag, agu toé cengatan ata pecing ngasang Anak, émé toé le Ema, agu toé cengatan ata pecing Ema émé toé le Anak agu oné ata hituy henan toin le Anak hitu.

MATÉUS 11:25

Du hitu curup le Mori Yésus: “Aku wali di’a agu Ité Ema, Mori de awang agu tana, ai sanggéd situ, cehas Lité latang te isét nggalas agu isét nggepuk, maik tois Lité oné isét panga-wa.

1 YOHANÉS 5:7

Ai manga telud ata téing saka-si (oné Surga: ngong hi Ema, Reweng agu Nai Nggeluk; telu situ léléng cas kali.

1 YOHANÉS 3:19

Le momang haé ata tara pecingn lité, te ité ho’o paéng de Mori Keraéng. Temer kolé nai dité oné ranga de Mori Keraéng.

2 PÉTRUS 3:18

Ciri tu’a koém ga oné tabing agu imbi hi Yésus Kristus, Mori agu Ata sambé dité. Latang te Hia dé mengit, te ho’on agu tédéng lén.

2 PÉTRUS 1:10

Asé-ka’én, landing hitu mping koé wuli wekis, kudut tambang kéta galan rang de méu, ai méu ata poli bénta agu pilé le Mori Keraéng. Émé pandé le méu situ, toé manga wéléng mosés.

TÉSALONIKA 5:14

Ami kolé toing méu, asé-ka’én; wéwa koé agu isé siot pandé sara-naid, téing lémbu koé isét mbalo naid, kambé koé isét les, lembak koém agu sanggén ata.

TÉSALONIKA 3:2

Poli hitu ami susung hi Timotéus, asé-ka’é ca imbi dité agu haé-reba oné gori de Mori Keraéng latang te wéro Keréba Di’a di Kristus kudut pandé mberes nai de méu agu te metek imbis.

TÉSALONIKA 1:5

Ai Keréba Di’a ho’ot wéro dami oné méu, toé ali curup kanang, maik ali mberes de Nai Nggeluk hitut derek kétay. Bo kali pecing le méu, co’oy gori dami oné bahi-réha méu.

TOMBO PÉTÉ GORI DE RASUL-RASUL 4:32

Sanggéd isét poli imbi situ, ca nai-ca tukas, agu toé manga cengatan te curup paéng diha hanang bora run, maik sanggéd cao-ca ciri paéng cama laings.

MATÉUS 13:11

Mai walé de Mori Yésus: “Latangt méu téing nggalas nai te pecing pété cehad Adak Surga, maik latang te isé toé.

LUKAS 1:1

Keraéng Téofilus, Dod’g ata situt te tur ca keréba latang te sanggéd taung apa situt poli mangad oné mai beréha ité,

ROMA 2:4

Asa nuk émong kaut le hau gawas Diha, lembak Diha, agu ngéngga nai Diha? Toé baé le hau ko, te gawas de Mori Keraéng te titong hau kudut teserh?

1 KORINTUS 14:31

Ai néténg weki oné mai méu ngancéng pedé, wiga sanggés méu ngancéng nungku agu tiba mberes de Mori Keraéng.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

ÉFÉSUS 3:3

Mori Keraéng poli si’ang nanéngN hitut pété ceha agu poli tombon Liha oné aku. Latang te nanéngN hitut pété ceha, polig tulisn laku oné méu bolon.

ÉFÉSUS 3:16

Ngaji daku, nahé Mori Keraéng hitut mésé kéta mengitN, patun te pandé mberes nai de méu le Nai NggelukN.

KOLOSÉ 1:26

ngong pété ceha hitut cehep kin pulu liwag ata sinan, agu oné-mai waé ca haéng waé ca, maik te ho’on betas kétay agu sanggéd ro'éngN.

KOLOSÉ 2:19

wiga toe nai ca anggit agu hi Kristus ata tu'a laing. Be wa mai perénta de Kristus, igold sanggén weki agu pongo ciri ca ali celi agu ruék, lorong ngoéng de Mori Keraéng.

KOLOSÉ 4:3

Ngaji kolém latang te ami, kudut Mori Keraéng wuka para latang te keréba dami, wiga ami ngancéng tombo latang te pété ceha di Kristus, ai landing hitu tara buig aku.