KOLOSÉ 1:7 - Bahasa Manggarai New Testament

⁷ Sanggéd taung situ poli pecingd le méu oné-mai hi Épafras, haé-reba ata keturu laing ata momang lami. Hia hitut junggu agu ciri ata keturu di Kristus latang te méu.

KOLOSÉ 1:7 Referans Kwoze

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

FILÉMON 1:23

Tabé latang te hau oné-mai hi Épafras, haé reba ca bui agu aku landing hi Kristus Yésus,

IBRANI 2:17

Itup tara oné sanggén cao-ca, Hia paka cama agu asé-ka’én. Ali hitu, Hia ciri Imam Mésé ata paéng momang agu junggu oné Mori Keraéng kudut pandé hambor ndékok de ro’éng.

KOLOSÉ 4:7

Sanggéd keréba latang te aku kudut toi agu méus li Tikhikus, asé-ka’é dité ca imbi ata momang. Hia ata junggu agu haé reba dami ata keturu laing latangt Morin.

IBRANI 3:2

Hia junggu kétay oné Mori Keraéng hitut poli pilé Hia, cama ného junggu di Musa danong du gori oné mbaru de Mori Keraéng.

2 TIMOTIUS 2:2

Apa ata poli dengé le hau oné-mai aku, olo-mai ranga data saka-si, imbi kaut situ oné sanggéd ata situt ngancéng imbis, ai isé situ kolé nggepukd te toing ata banas.

PILIPI 2:25

Lari nggitun, rékéng laku te jera kolé nggere-oné méu hi Épafroditus, ata poli wuat le méu danong latang te keturu aku. Hia poli ciri haé reba ca imbi daku agu haé reba ca gori daku.

2 KORINTUS 11:23

Asa isé, ata gori keturu di Kristus? Aku taé ného ata wédolk – aku kolé labi oné-mai isé! Aku céwé do kamerg; céwé dondé oné bui; tiba ongga da’at, dondé kolé oné copél mésé.

1 KORINTUS 4:2

Cemoln, isét keturu paka ciri mendi di Kristus kudut isé ngancéng imbi le Mori Keraéng.

2 TIMOTÉUS 4:6

Émé sanggéd situ toings le hau oné asé-ka’é ca imbi, hau te ciri ata keturu di Kristus Yésus ata di’a. Agu hau kole paka ambi wekim te pecing pu’ud imbi toing molor, situt poli lut le hau lawang ho’o.

ÉFÉSUS 5:21

Jinggop koé ba weki cama taus ali junggu oné hi Kristus.

1 KORINTUS 7:25

Latang te ata siot toé di kawing, aku toé manga tiba perénta oné-mai Mori Yésus. Maik le nuk nai de rug, ai le tiba widang nabit de Mori Yésus, aku naun te imbi laing kudut toing méu.

1 KORINTUS 4:17

Landing le hitu tara wuatn laku hi Timotéus. Hia anak momang daku, ata junggu oné Mori Keraéng. Hia kudut pandé nuk taungs le méu, co’o mosé daku ali lorong hi Kristus Yésus, cama ného ata toing daku oné nia-nia kaut wan ata serani.

MATÉUS 25:21

Mai taé de morin ngong hia: Di’a tu’ung pandé de hau, oé mendi daku ata di’a, ata junggu, hau junggum oné wintuk koé, aku te téing hau cau taé ata mésén. Maih, ngo boné agu cama laing oné mosé di’a de morim.

MATÉUS 24:45

“Céing mendi ata tipek agu nggalas nai, ata téti le morin te sanggéd ata do latang te téing hang du leso hitu?

MATÉUS 18:29

Itu kali suju haé reban hitu agu tegi ba’éng diha: Géréng koé cekoén ta ité, kudut bajar taungs laku raung situ.

KOLOSÉ 4:9

Hia jera laku cama laing agu hi Onésimus, asé-ka’é ca imbi dité hitut junggu agu momang, cengata oné-mai bahi-réha méu. Isé kudut toi taung agu méu sanggéd cao-ca ata jari cé’é ho’o.