JAMES 2:5 - Bahasa Manggarai New Testament

⁵ Séngét koém, asé-ka’é ata momang laku! Mori Keraéng pilé ata siot rékéng lénggé le lino ho’o kudut ciri bora oné imbi. Isé kolé ciri ata tiba mbaté de Adak Surga ata poli rekén Liha latang sanggéd ata siot momang Hia.

JAMES 2:5 Referans Kwoze

MATÉUS 5:3

“Mosé di’a kéta ata lénggé oné ranga de Mori Keraéng, ai disé morin Adak Surga.

LUKAS 6:20

Itu kali Mori Yésus lélo taung ata nungkun, agu mai taén: “Mosé di’am, oé méut lénggé, ai de méu morin Adak de Mori Keraéng.

WIDANG SI’ANG ONÉ HI YOHANÉS 2:9

Pecing laku susa agu lénggé de méu, maik bora kis méu. Pecing kolé laku sanggéd pocu latang te méu oné-mai isét caro weki rud ata Yahudi, kalim po toé. Ai isé situ ro’éng de jing da’ats.

2 KORINTUS 8:9

Ai poli pecing le méu, widang de Mori dité Yésus Kristus, koném po boran Hia, landing le méu Hia ciri lénggén, kudut méu ciri boram ali lénggé Diha.

LUKAS 12:21

Nenggitu dé jarin ata hitut ongko bora latang te weki run, émé toé boran hia oné ranga de Mori Keraéng.”

1 PETRUS 1:4

kudut tiba mbaté hitut toé ngancéng ampusy, toé ngancéng rowak agu toé ngancéng moray, hitut pedeng éta Surga latang te méu.

JAMES 1:12

Mosé di’a isét ta’ong oné damang. Ai émé hia meku kéta nain, hia te tiba lahén, ngong mosé hitut poli reké de Mori Keraéng oné sanggéd ata situt momang Hia.

IBRANI 11:26

Rékéng li Musa, céwé di’a mericuy landing hi Mesias, ngong raja ata reké le Mori Keraéng, po tiba bora mésé oné-mai tana Mesir. Hi Musa bengkes lahén du leso tai.

LUKAS 12:32

Néka rantang dé méu, oé méut ce impung koé! Ai Emam henan kéta téing méu Perénta hitu.

1 KORINTUS 2:9

Ného ata poli tulis: “Apa kaut ata toé dé’it ita le mata, toé dé’it dengé le tilu, toé dé’it tua oné nai de manusia: Sanggéd taung situ poli mengkekd le Mori Keraéng latang te isét momang Hia.”

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

WIDANG SI’ANG ONÉ HI YOHANÉS 21:7

Céing ata ontong, hia te tiba taung sanggéd so’o, agu Aku te ciri Mori Keraéng dihak, hia te ciri anak Dakuy.

JAMES 1:9

Poro cembes koé naid weki serani ata mosé lénggé, émé pandé téti éta mosén le Mori Keraéng.

2 TIMOTIUS 4:8

Te ho’on poli ambi latang te aku songkok molor hitut kudut tabing oné akuy le Mori, Adak ata agil, du cemoln lino, toé hanang latang te aku kanang, maik latang te sanggén ata situt nuk mai Diha, du cemoln lino.

2 KORINTUS 6:10

Koném po wéong kéta naigm, maik naka kigm. Koném po lénggég ami, maik ngancéng kin pandé bora ata do. Koném po ami toé manga hapegm, maik ami manga paéng do.

WIDANG SI’ANG ONÉ HI YOHANÉS 3:18

Itu tara toings méu Laku, kudut méu weli oné Aku emas gicing, wiga méu ciri boram. Wéli kolé baju bakok oné Aku te pakés, kudut méu néka mbolangm te pandé ritak laing. Weli kolé rewos te luma oné matas, wiga méu ngancéng itam.

2 TIMOTÉUS 6:18

Langga kid oné isé situ te do-do pandé di’a, kudut ngoéng te téing agu te pati.

LUKAS 16:25

Maik mai taé di Abraham: Anak, nuk kaut, bo hau poli itan taung di’a du mosém, maik hi Lazarus hanang ata da’atn. Ho’og hia delék lémbuy, agu hau séang da’ath.

MATÉUS 11:5

Ata buta ngancéng lélo, ata péko ngancéng lako, ata boké ciri helis wekin, ata nenteng ciri nilor, ata mata mosé kolé, agu oné isét lénggé ba keréba di’a.

2 PÉTRUS 1:11

Ali hitu, méu manga hak mésés te tiba tabing latang te ngo oné Adak tédéng lén, ngong Adak di Yésus Kristus, Mori agu Ata Sambé dité.

2 TIMOTIUS 4:18

Morin te lego aku oné-mai sanggéd pandé da’at. Hia te pandé selamak aku, wiga aku ngo oné Adak Diha éta Surga. Latang te Hia mengit tédéng lén! Amén.

2 TÉSALONIKA 1:5

Hitu tandan latang te agil beté-bicar de Mori Keraéng, ata pandé si’ang kudut naun te ciri ro’éng Adak Surga, méu ho’ot ta’ong susa landing Adak Surga hitu.

ÉFÉSUS 3:8

Aku ho’o dé ata céwé bocikn oné-mai sanggéd taung weki serani. Maik Mori Keraéng téing aku widang ho’o: gori kudut wéwa Keréba Di’a oné sanggéd ata toé Yahudi latang te bora di Kristus ata toé ngancéng taungd.

ROMA 8:17

Émé ité ho’o anak, ité ho’o kolé ata tiba mbaté. Ngong ata manga hakd te tiba reké de Mori Keraéng, ata tiba lité cama-cama agu hi Kristus. Émé ité ta’ong susa cama-cama agu Hia, ité kolé mengit cama laing agu Hia.

LUKAS 16:22

Ného cepisan, matay ata lénggé hitu, mai malékat dadé hia lobo pa’a di Abraham.

JAMES 1:16

Asé-ka’én ata momang laku, néka wéléngm!

TÉSALONIKA 2:12

Tegi tu’ung lami, kudut mosé de méu lorong ngoéng de Mori Keraéng ata bénta méu nggere-oné osangN agu mengit Diha.

ÉFÉSUS 1:18

Aku gesar oné Mori Keraéng, kudut Hia pandé gérak nais, kudut ngancéng idep apa ata deming laingn oné-mai Mori Keraéng hitut poli bénta méuN. Te baé kolé le méu, co’o kéta penongn berkak ata manikn hitut poli ambin le Mori Keraéng latang te sanggéd weki serani.

2 KORINTUS 4:15

Sanggéd situ jaris latang te méu. Le tambang cuku tambang dod ata imbi, wiga tambang dod kolé wali di’a latang te mengit de Mori Keraéng.

YOHANÉS 7:48

Manga weli cengatan oné mai isét adak ata imbi Hian, ko cengatan oné mai ata Parisi?

LUKAS 22:29

Agu Aku ata tabing hak Adak latang te méu, cama ného Ema Daku tabing latang te Aku.

MARKUS 7:14

Og kali Mori Yésus bénta kolé ata do agu curup oné isé: “Sanggés taung méu séngét Akum agu na’a koé oné nais:

TOMBO PÉTÉ GORI DE RASUL-RASUL 7:2

Mai walé di Stéfanus: “Oé asé-ka’én, agu sanggés méu Ema, séngét di’a-di’am! Mori Keraéng hitut mengit poli toto wekiN agu emad empo dité hi Abraham du hia ngai oné Mésopotamian, du toé di ka’éng oné Haran,

JAMES 1:19

Asé-ka’én ata momang laku, nuk di’a-di’a curup ho’o: gélang koé te séngét, maik héjol koé te tombo agu ta’ong te rabo.