JAMES 1:27 - Bahasa Manggarai New Testament

²⁷ Ho’o dé ngaji ata molorn agu toé manga celan oné ranga de Mori Keraéng Ema dité: campe ata lalo agu ata luang oné susad, agu jerék weki rud boto rowak le saki de lino ho’o.

JAMES 1:27 Referans Kwoze

ROMA 12:2

Méu néka lorong wintuk de lino ho’om, maik caling koé ali pandé weru wintuks, wiga méu ngancéng baé ngoéng de Mori Keraéng: Apa ata di’an, ata henan agu ata besikn oné Hia.

JAMES 4:4

Oé méut ata toé junggu! Toé pecing le méu ko, te haé reba agu belek de lino pandé bali agu Mori Keraéng? Jari, céing kaut ata pandé haé reba agu lino ho’o, hia hitu te ciri bali de Mori Keraéng.

2 TIMOTÉUS 5:4

Maik émé cengata ata luang, manga anakn ko manga empon, nahé isé situ laring cain kéta nungku gori dia-di’a latang te oné kilo rud, agu léko pandé di’a data tu’a agu lopo disé, ai hitu ata henan oné Mori Keraéng.

2 TIMOTÉUS 1:5

Salangn toing hitu weli ga, kudut isé tu’ung-tu’ung ngancéng momang cama tau mai wa mai nain agu ici nai ata molor agu tu’ung-tu’ung imbi hi Kristus.

LUKAS 1:6

Isét sua molord oné ranga de Mori Keraéng, agu moséd lorong taung perénta agu wérét de Mori Keraéng agu toé manga celad.

MATÉUS 5:8

Mosé di’a kétas ata nggélok nai, ai isé te ita Mori Keraéngs.

1 YOHANÉS 5:18

Pecing lité te néténg atat loas oné-mai Mori Keraéng toé ruda olo pandé ndékok, ai Anak de Mori Keraéng sémbéng hiay agu toé ngancéng cegotn le jing da’at.

JAMES 3:17

Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

GALATIA 6:14

Maik aku toé gorig bombong rak, bo émé bombong rak oné panggol de Mori dité Yésus Kristus. Ai le mata Diha oné panggol, lino ho’o toé manga betuan latang te aku, ko aku latang té lino ho’o.

GALATIA 1:4

Kudut lorong ngoéng de Mori Keraéng Ema dité, Hi Kristus poli téing wekin landing sanggéd ndékok dité, kudut céla ité uwa te ho’on oné-mai sanggéd ata da’atd.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

MATÉUS 12:32

Émé manga cengata ata curup te lawang Anak Manusia, hia ngancéng ampongy, maik émé hia lawang Nai Nggeluky, hia toé kéta ampongy, oné lino ho’o toé, agu oné lino tai kolé toé.

ROMA 2:13

Ai toé ata séngét wintuk Taurat ata molor oné ranga de Mori Keraéng, maik ata pandé wintuk Taurat, hitus kali ata molord.

GALATIA 3:11

Céwén kolé si’ang kéta gi, toé manga ata patun oné ranga de Mori Keraéng ali pandé wintuk Taurat, ai manga tulis: “Ata patun oné ranga de Mori Keraéng te mosés ali imbid.”

ÉFÉSUS 2:2

Du hitu méu mosé lut ruku de lino ho’o, te lorong ata cau kuasa de awang ngong nai hitut weger kéta oné bahi-réha ata toé junggu agu Mori Keraéng.

TITUS 2:12

Hia toing ité kudut ité okés nggopé-nggapét, belek de lino, paka mosé nggalas, agil agu seber te ngaji oné lino.

JAMES 3:9

Le lema, ité naring Morin agu Ema dité; le lema hitu kolé, ité mawang haé atad hitut poli dédék lorong tara de Mori Keraéng.

2 PÉTRUS 1:4

Ali hitu, Hia poli widang ité sanggéd reké ata belard agu mésé tu’ung, kudut ngancéng cépé oné-mai belek da’at hitut pandé ampus lino agu tiba gauk de Run Mori Keraéng.

2 PÉTRUS 2:20

Ata poli imbi Morin agu Ata Sambé dité hi Yésus Kristus, poli oké sanggéd réngkes de lino ho’o. Maik, émé musi main were-watas kolé oné sanggéd réngkes situ, cemoln ga taran mosé disé céwé da’at oné-mai hitut laring cain.

2 PÉTRUS 3:14

Landing hitu asé-ka’é ata momang laku, cang agu géréng leso hitu, paka wuli wekis te hambor agu Hia, wiga méu toé manga celas agu toé manga ndékoks du cain Hia tai.