JAMES 1:25 - Bahasa Manggarai New Testament

²⁵ Wintuk de Mori Keraéng besikn, agu manga mberes kudut céla manusia. Ata situt céca agu pinga di’a cang agu pandé sanggéd wintuk situ, toé séngét kaut agu lampuk hémongd, ata situ te tiba berkak de Mori Keraéng oné sanggéd pandéd.

JAMES 1:25 Referans Kwoze

LUKAS 11:28

Maik mai taé Diha: “Ata mosé di’a, isét situt séngét curup de Mori Keraéng, agu tinus néngd.”

YOHANÉS 13:17

Émé pa’él taung so’o le méu, di’a de mosés méu émé pandés le méu.

1 PETRUS 2:16

Mosé koém ného ata toé mendi, maik néka papé mosé toé mendi hitu latang te tadu sanggéd da’at, maik mosé koém ného mendi de Mori Keraéng.

JAMES 2:12

Curup agu pandé ga, ného ata siot kudut bicars ali adak ata pandé céla manusia.

GALATIA 5:1

Te ho’on ga ité ata céla, ai hi Kristus poli céla mosé dité. Landing hitu lencek kéta hesés agu néka éng kolé te tékék le mendo.

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

2 TIMOTÉUS 4:16

Jerék koé ba wekim agu sanggéd toingm. Tejo koéh oné pandé sanggéd taung situ, ai ali hitu hau te selamak weki rum agu selamak ata séngét.

2 KORINTUS 13:5

Damang koé weki rus, asa méu cedek kis oné imbi ko? Maring koé wekis! Asa méu toé imbi te hi Kristus Yésus manga oné weki de méu? Ai émé toé nenggitu, méu toé ta’ong damang.

ROMA 11:22

Landing hitu pélét di’a-di’a, Mori Keraéng hitu gawas agu wegerN. WegerN hitu latang te sanggéd ata situt poli pa’ud, maik gawasN latang té méu, tama kong kis méu manga oné gawas Diha. Émé toé, méu kolé te ndapum Liha.

ROMA 8:15

Ai méu toé tiba nai te ciri mendim hitut pandé rantang méu laing, maik méu poli tiba Nai Nggeluk hitut ciri Anak de Mori Keraéng. Ali Nai Nggeluk hitu tara ngancéng caro lité, “Yo Abba, ngong Yo Ema!”

GALATIA 2:4

Bo tu’ung manga denet oné-mai asé-ka’é tangké situt rodo ci-cop ngo oné weki serani. Get disé émé bonés kudut pandé caka lélo ngoéng di’a dité ata paéng oné nai ca anggit agu hi Kristus Yésus. Ali hitu isé ngancéng pandé mendi ités.

YOHANÉS 8:36

Jari, émé Anak hitu pandé céla méuy, méu tu’ung-tu’ung célam.”

WIDANG SI’ANG ONÉ HI YOHANÉS 14:13

Poli hitu dengé laku reweng éta-mai Surga, “Tulis ga: Pu’ung ho’o muing, mosé di’a sanggéd atat mata neki ca agu Mori Keraéng.” “Tu’ung, toé cela,” walé de Nai Nggeluk, “kudut isé te gel oné-mai gori wuli-mpoatd, ai cir sanggéd keturu disé, loréng iséy.”

2 TIMOTÉUS 2:15

Koném nenggitu, iné-wai te tiba selamaky ali loas anakn, tama hia meték kin imbin oné hi Kristus Yésus agu momang haé ata agu néka manga pandé cela oné mosén.

ROMA 7:12

Jari, wintuk Taurat hitu nggelukn, agu sanggéd perénta bonen molorn agu di’an.

TOMBO PÉTÉ GORI DE RASUL-RASUL 26:22

Maik ali campé de Mori Keraéng, aku ngancéng mosé kig dengkir te ho’on agu téi saka-si oné ata koé agu oné ranga data mésé. Apa situt keréba daku toé manga cebanan kolé oné mai apa ata poli tombo olod le nabi-nabi agu li Musa,

TOMBO PÉTÉ GORI DE RASUL-RASUL 13:43

Du poli ngaji, do kéta ata Yahudi agu ata lut agama Yahudi ata hiang Mori Keraéngs, lorong hi Paulus agu hi Barnabas. Rasul situt sua toing isé agu titong kudut mosé disé témér kid oné tabing de Mori Keraéng.

IBRANI 12:15

Jerék koém: boto manga cengatan ata mora tabing de Mori Keraéng, te ciri waké pa’it ata pandé rasung laing, wiga mangan ngai-ngaok agu rowak mosé ka’éng cama.

TOMBO PÉTÉ GORI DE RASUL-RASUL 2:42

Isé seberd te lorong toing de sanggéd rasul agu nempung mtaungs. Isé nempung mtaungs kudut pu’ils roti te hang agu ngaji cama laings.

WIDANG SI’ANG ONÉ HI YOHANÉS 22:14

Mosé di’a isét wewas jubad, ai isé patun te hang sanggéd wua haju situt téing mosé agu ocok lut sanggéd lewang nggere-oné béndar hitu.

1 YOHANÉS 2:24

Landing hitu, keréba hitut poli dengén le méu du wangkan, paka kukut oné pucu, na’a oné rak agu cawi oné atis, wiga méu ciri nai ca anggit agu tuka ca léléng kis agu hi Anak agu hi Ema.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

ROMA 2:13

Ai toé ata séngét wintuk Taurat ata molor oné ranga de Mori Keraéng, maik ata pandé wintuk Taurat, hitus kali ata molord.

ROMA 8:2

Ai wintuk de Nai Nggeluk hitut téi mosé, poli ledo hau lut hi Kristus Yésus oné mai wintuk hitut ba ndékok agu mata.

GALATIA 6:2

Campé-campé tau koém pola mendos. Émé nggitu, méu lorong wintuk di Kristusm.