JAMES 1:17 - Bahasa Manggarai New Testament

¹⁷ Sanggéd téing ata di’an agu tabing ata besikd, mai éta-maid, ngong wa’u éta-mai hi Ema ata dédék sanggéd gérak éta awang. Hia dé Mori Keraéng ata toé manga caling ko campit tara mangan nendep.

JAMES 1:17 Referans Kwoze

YOHANÉS 3:27

Mai walé di Yohanés: “Toé kéta manga cengatan ata ngancéng emi can apa te weki run, émé toé widang oné hia éta mai Surgan.

MATÉUS 7:11

Jari, émé méut da’at pecing téing apa ata di’an agu anakn, apan kolé Emas hitu éta Surga! Hia te téing ata di’an oné isét tegi agu Hia.”

IBRANI 13:8

Mori Yésus Kristus hitu cama kéta kin, pu’ung du wangkan, te ho’on agu tédéng lén.

YOHANÉS 8:12

Mori Yésus curup koléy oné isé, mai taéN: “Akuy de gérak de lino; céing-céing ata lut Aku, ata hitu toé manga lako oné nendepn, maik manga gérakn oné mosén.”

1 YOHANÉS 1:5

Ho’oy keréba ata poli dengén lami oné-mai hi Yésus Kristus te tombo oné méu: Mori Keraéng hitu pu’un gérak agu toé kéta manga nendep oné Hia.

JAMES 3:17

Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

ÉFÉSUS 2:8

Woko méu imbi oné hi Yésus Kristus, itu tara momang agu pandé selamaks méu le Mori Keraéng.

LUKAS 11:13

Jari, émé méut da’at pecing téing ata di’an agu anaks, apan kolé Emas hitu éta Surga! Hia te téing Nai Nggeluk oné isét tegin agu Hia.”

1 KORINTUS 4:7

Ai céing ata bilang hau ciri ata mengit? Apa néng ata manga oné hau ata toé tiba oné-mai Mori Keraéng? Émé tu’ung tibas le hau, co’o weli tara pandé angos weki rum, néhot paéng de rum?

1 YOHANÉS 4:10

Betuan momang hitu nenggo’oy: Toé ité ata poli momang Mori Keraéng, maik Mori Keraéng ata poli momang ité, le wuat AnakN te koso sanggéd ndékok dité.

ÉFÉSUS 1:18

Aku gesar oné Mori Keraéng, kudut Hia pandé gérak nais, kudut ngancéng idep apa ata deming laingn oné-mai Mori Keraéng hitut poli bénta méuN. Te baé kolé le méu, co’o kéta penongn berkak ata manikn hitut poli ambin le Mori Keraéng latang te sanggéd weki serani.

YOHANÉS 1:9

Gérak ata tu’ungn, hitut téing gérak néténg ata, rémé kudut mai oné lino.

WIDANG SI’ANG ONÉ HI YOHANÉS 21:23

Béndar hitu toé manga sékék mata leson agu wulang latang te néran, ai mengit de Mori Keraéng pandé néran agu Anak Jimbal hitu luing lampun.

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

WIDANG SI’ANG ONÉ HI YOHANÉS 22:5

Toég manga kolé wié oné béndar hitu, ai isé toé manga sékék gérak de lampu agu gérak de mata leso. Mori Keraéng dé te pandé gérak isé, agu isé te perénta ného rajas dengkir lén.

JAMES 1:5

Maik émé oné be réha méu manga ata géong nggalas-nai, céwé di’an hia tegi oné Mori Keraéng. Mori Keraéng te téing nggalas hitu latang te hia, ai Hia téing nggalas-nai oné sanggéd ata ali gawas agu lembak naiN.

ROMA 6:23

Ai lahé de ndékok hitu mata, maik widang de Mori Keraéng mosé tédéng lén, oné hi Kristus Yésus Mori dité.

JAMES 3:15

Hitu toé nggalas éta mai, maik nggalas de lino, ngong nggalas de belek da’at agu nggalas de jing da’at.

PILIPI 1:29

Ai Mori Keraéng poli widangn oné méu, toé hanang latang te imbi oné hi Kristus, maik latang te cukung susa kolé latang te Hia.

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 5:31

Hiap hitut poli téti nggere-étan le Mori Keraéng ali limé wanangN, ciri Karong Salang agu Ata Selamak, kudut tesers ata Israél agu tiba ampong ndékok.

YOHANÉS 3:3

Mai walé de Mori Yésus, taén: “Aku curup agu hau, moro matan, émé cengatan ata toé loas koléy, hia toé ngancéng itan Adak de Mori Keraéng.”

2 TIMOTÉUS 6:16

Hia kanang kali ata toé koday le mata, ka’éng oné gérak ata toé cung te ruisy. Toé manga cengatan ata poli ita Hia, agu toé muing manga manusia ata ngancéng ita Hia. Latang te Hia kali hiang agu kuasa tédéng lén! Amén.