IBRANI 5:8 - Bahasa Manggarai New Testament

⁸ Koném po Mori Yésus Anak de Mori Keraéng, maik Hia poli nungku te junggu oné ta’ong susaN.

IBRANI 5:8 Referans Kwoze

PILIPI 2:8

Oné taraN ného manusia, Hia poli pandé wa’u wa weki Run, lorong ngoéng de Mori Keraéng, ngot dengkir mataN oné haju panggol.

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

YOHANÉS 15:10

Émé méu lut perénta Dakum, méu te ka’éng oné momang Dakum, ného Aku lut perénta de Emag, agu ka’éng oné momang Dihak.

YOHANÉS 6:38

Ai Aku poli wa’u éta mai Surga, toé kudut pandé lorong ngoéng Daku, maik kudut lorong Hia hitut poli wuat Aku.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 1:8

Maik latang te AnakN nenggo’o taéN, “Seriga Dité yo Mori, tédéng lén kin agu Adak Dité agil agu molor.”

IBRANI 1:5

Ai Mori Keraéng toé dé’it manga curup nenggo’o oné cengata malékat: “Anak Daku dé Hau! Hau poli ciri Anak Dakum leso ho’o.” Ko toé de’it kolé taé nenggo’o latang te malékat bana “Aku te ciri Ema Diha, agu Hia te ciri anak Dakuy.”

MATÉUS 3:15

Mai wantil de Mori Yésus agu hia, taén: “Kong jarid sanggéd situ, ai nenggitu muing ata kopn lité kudut rapak sanggéd ngoéng de Mori Keraéng.” Lorong kaut Hia li Yohanés.

IBRANI 1:2

Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.

YOHANÉS 10:18

Toé cengatan te ngancéng emi oné mai Akun, maik téings Laku lorong ngoéng nai Rug. Aku manga kuasag te téing, agu manga kuasag te emi kolén. Ho’oy perénta ata tiba Laku oné mai Emag.”