IBRANI 3:6 - Bahasa Manggarai New Testament

⁶ Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 3:6 Referans Kwoze

2 KORINTUS 6:16

Apa néng woé-joé mbaru de Mori Keraéng agu io pina-naéng? Ai ité ho’o mbaru de Mori Keraéng hitut mosé, ného curup ho’o de Mori Keraéng, “Aku kudut ka’éng cama agu isé, mosé oné bahi-réha isé, agu Aku kudut ciri Mori Keraéng disék, isé kudut ciri ro’éng Dakus.

1 KORINTUS 3:16

Toé baé le méu ko, te méu hitu mbaru de Mori Keraéngm agu Nai Nggeluk de Mori Keraéng ka’éng oné méuy?

1 PETRUS 2:5

Méu ondang wekis te papé laing ného watu mosé, te pandé ca mbaru nggeluk de Mori Keraéng. Ali hitu méu ciri ného imam ata gori latangt Mori Keraéng, agu létang hi Yésus Kristus podo takung ata henan oné nai de Mori Keraéng.

IBRANI 10:35

Landing hitu, metek kin imbis, ai mésén lahén hitut ngai géréng.

IBRANI 6:11

Ngoéng dami kudut néténg-néténg méu néka ngondé holes agu néka mejeng hesé dengkir cemoln wiga méu toét-toé tibas apa ata bengkes de méu.

1 KORINTUS 6:19

Toé baé le méu ko, te sanggéd weki de méu ciri osang baté ka’éng de Nai Nggeluk ata poli tiba le méu oné-mai Mori Keraéng? Méu toé paéng de rus.

IBRANI 10:23

Mait ga ité metek tu’ung oné tura latang te bengkes dité, ai Mori Keraéng toé manga reké adongN.

IBRANI 4:11

Landing hitu, mait ga ité wuli- weki te ngo oné osang asi hitu, kudut néka koé manga cengatan ata pa’u landing lut toming disét danong ata toé lorong agu toé imbi.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

WIDANG SI’ANG ONÉ HI YOHANÉS 3:11

Aku ruis te maik! Landing hitu, cau kid apa ata manga oné méu, kudut néka cengatan koé te emi koso-nolak oné-mai ontong de méu.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 1:2

Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.

2 TIMOTÉUS 3:15

Jari, émé galekg aku te ngo la’at hau, pecing le hau, co’oy mosé ata di’an oné ca kilo mésé de Mori Keraéng, ai weki serani hitu cama ného siri menggi agu ligéng sanggéd molor.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

MATÉUS 10:22

Méu te kodo le sanggén ata, landing kaut le ngasang Daku, maik isét ta’ong dengkir cemoln selamakd moséd.

TÉSALONIKA 5:16

Naka taungm ga.

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

MATÉUS 24:13

Landing isét ta’ong dengkir cemoln, ngancéng selamaks.

WIDANG SI’ANG ONÉ HI YOHANÉS 2:25

Maik apa ata manga oné méu, cau situ dengkir cai Daku.

WIDANG SI’ANG ONÉ HI YOHANÉS 2:18

“Tulis koé latang te malékat de weki serani oné Tiatira: Ho’oy reweng de Anak de Mori Keraéng, hitut mataN ného dila de api agu wa’iN cama ného tembaga:

2 TÉSALONIKA 2:16

Mori dité hi Yésus Kristus, agu Mori Keraéng Ema dité, poli toto momang oné ité le tabing lémbu agu bengkes tédéng lén.

ROMA 5:2

Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

1 PETRUS 1:8

Koném po toé dé’it ita le méu hi Yésus Kristus, maik méu momang Hiam. Méu imbi oné Hiam, koném po te ho’on toé ita taraN. Méu nakam ali nisang-nai ata mengit agu mésé kéta.

GALATIA 6:9

Ité ho’o néka maél te pandé di’a. Émé ité seber te pandé di’a situ, cemoln tai ité te ako agu nongko dani.

ROMA 11:22

Landing hitu pélét di’a-di’a, Mori Keraéng hitu gawas agu wegerN. WegerN hitu latang te sanggéd ata situt poli pa’ud, maik gawasN latang té méu, tama kong kis méu manga oné gawas Diha. Émé toé, méu kolé te ndapum Liha.

MATÉUS 16:18

Aku taé agu hau: hau Pétrus, hau watu nampar, éta lobo hau Aku te hesed ro’éng Daku, toé ngancéng kodan le kuasa de mata.

ROMA 12:12

Nakam ga landing le bengkes, lembak koém du kélo agu seber koém oné ngaji!

GALATIA 6:10

Landing hitu rémé manga kin sokor latang te ité, mait ga ité pandé di’a agu sanggén ata, céwén kéta agu asé-ka’é ca imbi dité.

ÉFÉSUS 3:12

Ali imbi agu nai ca anggit oné hi Kristus, ité ndong te nia ngoéngd ngo oné Mori Keraéng déméng agu mésé imbid.

IBRANI 4:16

Landing hitu, mait ga agu rani naid, nggere-oné seriga Diha ata widang tabing, kudut tiba nabit agu tabing latang te campé du rapak leson.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

IBRANI 7:19

Ai Adak Taurat toé manga pandé besikn. Iwon kolé weli ga, Mori Keraéng poli toi bengkes ata céwé di’an, ata pandé ruis ité agu Mori Keraéng.

IBRANI 10:19

Jari, asé-ka’én, ali dara de Mori Yésus itét ho’on ga cukung te ngo oné Lo’ang Nggeluk Kéta.

IBRANI 10:21

Ité te ho’on ga, manga cengata imam mésé ata ciri tu’an Mbaru de Mori Keraéng.

IBRANI 11:1

Imbi hitu, ligeng de sanggéd situt bengkes dité, agu tanda oné-mai sanggéd situt toé itas lité.

1 PETRUS 4:17

Ho’og leson te pu’ungn beté-bicar, wangka oné-mai itét ro’éng run Mori Keraéng. Éme beté-bicar hitu wangka oné-mai itén, céwén kolé isét toé imbi oné Keréba Di’a de Mori Keraéng.

WIDANG SI’ANG ONÉ HI YOHANÉS 2:26

Céing ata ontong agu pandé sanggéd gori Daku dengkir agu cemoln, latang te hia widang Laku kuasa te perénta sanggéd wa’u.