IBRANI 2:8 - Bahasa Manggarai New Testament

⁸ Poli na’a Lité sanggéd ménan be wa mai wa’i Diha.” Ai sanggéd ménan poli taungs pandé kodad Liha, toé kéta manga can ata retang. Maik te ho’on ga, toé di ita lité koda taungs Liha sanggéd menan situ.

IBRANI 2:8 Referans Kwoze

YOHANÉS 13:3

Pecing le Mori Yésus te Eman poli téing sanggé-ménan agu Hia te mai oné mai Mori Keraéng agu kolé oné Mori Keraéng.

1 KORINTUS 15:27

Ai sanggéd cao’ca poli kodad Liha agu na’a wa mai wa’i Dihas. Maik, émé manga taé te “sanggéd cao’ca poli kodad,” ngong si’ang kéta te weki run Mori Keraéng ata poli pandé koda sanggéd cao’ca situ agu na’a wa mai wa’i di Kristus, landing hi Kristus toé boné-mai sanggéd cao’ca situy.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.

WIDANG SI’ANG ONÉ HI YOHANÉS 1:18

Aku dé Hia hitut Mosé. Aku poli matag, maik lélo ga, Aku mosék dengkir lén. Aku ata cau kuasa latang te mata agu kuasa latang te lino data mata.

IBRANI 1:13

Ai Mori Keraéng toé dé’it manga curup nenggo’o oné cengata malékat: “Lonto ga oné racap wanang’G, dengkir pandé Laku sanggéd ata baliM, te ciri lapéng wa’iM.”

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

IBRANI 2:5

Sanggéd malékat toé manga tiba kuasa oné-mai Mori Keraéngd kudut perénta lino weru hitut kudut cai, ho’ot tombo dité.

YOHANÉS 3:35

Ema momang Anakn agu poli widang sanggéd cao-ca oné Hia.

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

IBRANI 1:2

Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.