IBRANI 13:15 - Bahasa Manggarai New Testament

¹⁵ Landing hitu, mait ga ité, ali létang-témba de Mori Yésus nukung tité naring Mori Keraéng agu bong ngasang Diha. Hituy takung nggeluk dité latang te wali di’a oné Mori Keraéng.

IBRANI 13:15 Referans Kwoze

ROMA 12:1

Landing hitu asé-ka’én, le gawas de Mori Keraéng, aku toing méu, kudut méu takung wekis ného takung mosé, nggeluk agu patun oné nai de Mori Keraéng: Hituy ngaji de méu ata naun.

1 PETRUS 2:5

Méu ondang wekis te papé laing ného watu mosé, te pandé ca mbaru nggeluk de Mori Keraéng. Ali hitu méu ciri ného imam ata gori latangt Mori Keraéng, agu létang hi Yésus Kristus podo takung ata henan oné nai de Mori Keraéng.

MATÉUS 11:25

Du hitu curup le Mori Yésus: “Aku wali di’a agu Ité Ema, Mori de awang agu tana, ai sanggéd situ, cehas Lité latang te isét nggalas agu isét nggepuk, maik tois Lité oné isét panga-wa.

1 PETRUS 4:11

Céing ata ba keréba, paka ba keréba de Mori Keraéng; céing ata keturu laing, paka keturu lorong mberes hitut widang de Mori Keraéng, kudut oné sanggén cao-ca bongy Mori Keraéng landing hi Yésus Kristus. Latang te Hia dé bong agu kuasa tédéng lén! Amén.

ÉFÉSUS 2:18

Lut hi Yésus Kristus, Nai Nggeluk pandé ruis agu Mori Keraéng Ema sanggéd ité ata Yahudi ko ata toé Yahudi.

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

KOLOSÉ 1:12

agu wali di’a oné hi Ema. Hi Ema hitu dé ata pandé naun méu kudut tiba maki ata poli wérét latang te sanggéd ata serani oné adakN hitut gérak.

ROMA 6:19

Le gejék de manusia aku curup ho’o, ai toé danga pamot le méu. Cama ného méu poli condo wekis te ciri mendi de ndékok agu itang, ata dadé méu nggere-oné itang, nenggitu kolé méu te ho’on, paka condo wekis ciri mendi te pandé molor ata dadé méu nggere-oné selamak.

YOHANÉS 10:9

Aku ho’o cama ného para; Céing ata ngo lut Akuy onén, hia te mo’éngy, agu hia te nggere-oné-nggere-pé’angy te kawé remang oné satar.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

LUKAS 10:21

Lété hitu kolé, nakay Mori Yésus oné Nai Nggeluk, mai taén: “Aku wali di’a agu Ité, Ema, Mori de awang agu lino, ai sanggéd situ cehas Lité latang te isét nggalas agu molor, maik tois Lité oné isét koé. Yo Ema, hitus ata henan Lité.

IBRANI 12:28

Jari, mait ga ité wali di’a agu ngaji kamping Mori Keraéng, ai ité tiba adak ata toé ngancéng gégoy. Mait ga ité wali di’a agu ngaji te hiang Hia, lorong wintuk ata patun Liha.