IBRANI 13:1 - Bahasa Manggarai New Testament

¹ Bengkes daku, nahé méu momang-tau kis ného asé-ka’é ca imbi!

IBRANI 13:1 Referans Kwoze

1 YOHANÉS 4:20

Émé manga ata taé nenggo’o, “Aku momang Mori Keraéngk,” maik kodo asé-ka’é ca imbin, hia hitu ata nggopét. Ai émé toé momang liha asé-ka’é ca imbin hitut ita dungka, apan kolé Mori Keraéng hitut toé ita liha.

1 PETRUS 3:8

Cai wan ga, nahé sanggés taung méu, néka woléng curup, ca naim kali, momang asé-ka’é ca imbis, ba’éng agu jinggop.

1 PETRUS 1:22

Méu poli pandé nggeluk wekis ali lorong wintuk de Mori Keraéng, wiga méu ngancéng momang tau asé-ka’é ca imbi le nai bakok. Poro méu tu’ung-tu’ung momang tau mai wa-mai nain.

2 PÉTRUS 1:7

Jemutn mosé nggeluk hitu le momang asé-ka’é ca imbi, jemutn momang asé-ka’é ca imbi le momang sanggén ata.

1 PETRUS 2:17

Hiang ga sanggén ata, momang koés sanggéd asé-ka’é ca imbi, hiang ga Mori Keraéng, hiang ga Kaisér!

IBRANI 10:24

Mait ga ité, kéngko taud te rani-nai agu racang rak oné momang ali pandé ata di’ad.

2 TÉSALONIKA 1:3

Asé-ka’én, ami paka wali di’a oné Mori Keraéng landing méu, agu naun muing nenggitu, ai imbi de méu tambang mésé. Nenggitu kolé momang de méu cama taus tambang kéta mberesn.

1 PETRUS 4:8

Maik ata mésén: Paka momang tu’ung haé ata, ai momang hitu ngancéng tadu do ndékok.

GALATIA 5:22

Maik ho’os wua de Nai Nggeluk: momang, nisang nai, hambor-libur, lembak, gawas, di’a gauk, junggu;

GALATIA 5:13

Asé ka’én, bo tu’ung méu poli pilés kudut céla. Maik néka papé le méu céla hitu latang te pandé ndékok, maik nahé méu momang agu keturu cama taus.

WIDANG SI’ANG ONÉ HI YOHANÉS 2:4

Koném po nenggitu Aku mbéis méu, ai méu toé momang Akum ného du wangkan.

1 YOHANÉS 3:23

Ho’oy peréntaN: Ité paka imbi hi Yésus Kristus, AnakN agu momang haé ata lorong perénta di Kristus hitu.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

YOHANÉS 15:17

Ho’oy perénta Daku oné méu: Momang ga cama haé atas.”

ÉFÉSUS 5:2

Meu momang tau, ného hi Kristus Yésus poli momang méun. Hia poli condo wekiN latang te ité, cama ného takung hélang ata bengén wiga cembes nain Mori Keraéng.

ÉFÉSUS 4:3

agu mping koém te mosé hambor agu te nai ca anggit ata poli widang le Nai Nggeluk, kudut manga tédéng kin oné méu.

TOMBO PÉTÉ GORI DE RASUL-RASUL 4:32

Sanggéd isét poli imbi situ, ca nai-ca tukas, agu toé manga cengatan te curup paéng diha hanang bora run, maik sanggéd cao-ca ciri paéng cama laings.

TOMBO PÉTÉ GORI DE RASUL-RASUL 2:1

Du cain leso ramé Péntékostén, sanggéd taung isé lipur oné ca osangs.