IBRANI 12:16 - Bahasa Manggarai New Testament

¹⁶ Néka manga ata siot pandé nelung ko manga belek da’at, ného hi Esau hiot pika hak ngason latang kaut ca piring hang.

IBRANI 12:16 Referans Kwoze

WIDANG SI’ANG ONÉ HI YOHANÉS 22:15

Maik isét ného acu, isét janto, isét mbérong, isét paki ata, isét io pina-naéng agu isét pandé nggopét ka’éng bepé’ang béndar hitu.

IBRANI 13:4

Poro sanggés taung méu hiang mosé ka’éng kilo, néka lagé locé toko, ai Mori Keraéng te beté-bicar sanggéd ata nelung agu ata mbérong.

TOMBO PÉTÉ GORI DE RASUL-RASUL 15:29

Méu paka néka hang sanggéd siot poli takung imbi pina-naéng, néka hang dara, néka hang nuru de kaka siot mata le hajel agu néka ngoéng ata. Émé méu rinding wekis oné mai ireng so’o, méu pandé di’am. Tabé dami kamping méu.”

MARKUS 7:21

ai situt oné mai, mai oné mai nai data, losa sanggéd nuk da’at, loma ata, tako, ala ata,

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

KOLOSÉ 3:5

Landing hitu pandé matas sangged belek de lino ata pande rowak wekis, neho: nelung, rinek, todong, motor agu ngomper ata cama agu io pina-naéng.

ÉFÉSUS 5:5

Nuk di’a-di’a: ata mbérong, ata réngkes, ko ata gomeng, betuan dé cama ného ata hiot io pina-naéng, toé ngancéng tiba lahén oné-mai adak di Kristus agu de Mori Keraéng.

2 KORINTUS 12:21

Aku simpungk, émé mai kolék aku Mori Keraéng daku te pandé rendak aku oné ranga de méu. Aku te susa landing ata do situt danong pandé ndékoks toé di tesers oné mai ngoéng ata, loma agu sanggéd pandé da’at disé.

1 KORINTUS 10:8

Méu néka manga ngoéng-tau, cama ného pandé de pisa taus oné-mai isé danong, wiga ca leso kaut, poli mata suampulu telu sebu ata.

TOMBO PÉTÉ GORI DE RASUL-RASUL 15:20

maik ité paka tulis surak agu isé tadang koés oné mai io pina-naéng, oné mai ngoéng ata, oné mai nuru de kaka situt mata le hajel agu oné mai dara.

ÉFÉSUS 5:3

Méu dé ro’éng de Mori Keraéng, landing hitu sanggéd pandé da’at ného ngoéng ata, pandé ata toé patun ko gomeng, toé kopn te manga oné bahi-réha méu ného ata naun latang te sanggéd weki serani.

2 TIMOTÉUS 1:9

Pecing kolé lité, te Adak Taurat hitu toé latang te ata molor, maik latang te ata: lagéng sanggéd wintuk, ata lopé-lapét agu ata ndékok, ata oné lino ho’o agu ata toé manga agamad, ata mbelé endé-eman, ata siot laséng mbelé atad.