IBRANI 10:22 - Bahasa Manggarai New Testament

²² Landing hitu, mait ga ité ngo cumang Mori Keraéng ali molor nai agu metek imbi; ai nai dité poli pandé nggélokn oné-mai ici nai da’at agu weki dité poli cebong le waé gélon.

IBRANI 10:22 Referans Kwoze

YOHANÉS 3:5

Mai walé de Mori Yésus: “Aku curup agu hau, ata te tu’ungn émé ca ata toé loas oné mai waé agu Nai Nggeluk, hia toé ngancéng ngo oné Adak de Mori Keraéngn.

1 PETRUS 3:21

Nenggitu kolé rapangn méu te ho’on, tiba selamakm ali cebong le waé serani. Waé serani hitu, toé kudut pandé nggélok saki de weki, maik kudut tegi nai bakok oné-mai Mori Keraéng, ai Mori Yésus Kristus poli mosé koléN oné-mai mata.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

IBRANI 7:19

Ai Adak Taurat toé manga pandé besikn. Iwon kolé weli ga, Mori Keraéng poli toi bengkes ata céwé di’an, ata pandé ruis ité agu Mori Keraéng.

2 KORINTUS 7:1

Asé ka’én ata momang laku! Ai te ho’on ité paéng reké hitu. Mait ga ité pandé nggeluk weki dité oné mai sanggéd rengkes de weki agu wakar. Ali hitu kolé pandé jepek nggeluk dité oné hiang Mori Keraéng.

IBRANI 4:16

Landing hitu, mait ga agu rani naid, nggere-oné seriga Diha ata widang tabing, kudut tiba nabit agu tabing latang te campé du rapak leson.

IBRANI 12:24

Méu mai kamping Mori Yésus, ata Létang témba reké weru, agu kamping daraN hitut poli wecar, ata céwé mberes pa’arn oné-mai dara di Abél.

TITUS 3:5

Hia poli sambé itén, toé landing le pandé di’a dité, maik landing le weki Run Hia poli momang itéN. Hia sambé ité létang le Nai Nggeluk ata pandé nggélok nai dité, ngong pandé célung taung mosé dité le ba weki ata werun.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

ÉFÉSUS 3:12

Ali imbi agu nai ca anggit oné hi Kristus, ité ndong te nia ngoéngd ngo oné Mori Keraéng déméng agu mésé imbid.

JAMES 4:8

Ruis-ruis koém agu Mori Keraéng kudut Hia kolé ruis méuy. Oé méu ata ndékok! Pandé nggélok koé limes. Oé méut rambang-bali nais! Pandé nggeluk koé nais.

IBRANI 9:19

Laring cain hi Musa tombo sanggéd taung perénta lorong Adak Taurat oné sanggén ro’éng. Itu kali emin liha dara anak japi agu dara mbé laki halok le waé poli hitu wecar Surak Nggeluk hitu agu sanggéd ro’éng le wulu ndéréng agu hisop.

MATÉUS 3:11

Aku cebong méu le waé te tanda tesér, maik Hia ata mai bemusi mai aku, ata céwé mésé kuasan oné mai aku, agu toé remog aku te tiwit sepatun. Hia kudut te cebong méu le Nai Nggeluk agu le api.

JAMES 1:6

Poro hia tegi landing le imbi agu néka manga gégo nain, ai ata gégo nain cama ného bombang tacik hitut wéjot le buru nggere-lé, nggere-lau.

IBRANI 11:28

Ali imbin, hia pandé adak hang Paska agu palas para mbaru le dara, wiga malekat ata pandé ampus toé mbelé sanggéd anak ngaso diset Israél.

IBRANI 10:19

Jari, asé-ka’én, ali dara de Mori Yésus itét ho’on ga cukung te ngo oné Lo’ang Nggeluk Kéta.

IBRANI 9:10

Sanggéd pandé adak situ henan hanang latang te hang, inung agu do tarad adak pandé nggélok weki. Sanggéd adak situ lorong ruku de lino ata dopos dengkir cain adak ata werun pandé de Mori Keraéng. Hi Kristus Létang Témba

2 TIMOTÉUS 4:2

Ici naid de guru tangke situ penong ali nggopét, ai poli tapa le beci kolang te wetik wekid, wiga toe gancéng woléngn lisé nia ata di’an agu nia ata da’atn.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

ÉFÉSUS 6:5

Oé méut mendi laing! Lorong koé perénta de sengajis ata manga oné lino ho’o. Pandé le méu hitu landing le hiang ko sundur mai wa-mai nain, cama ného pandé latang te hi Kristus.

TOMBO PÉTÉ GORI DE RASUL-RASUL 8:21

Toé manga hakm hau oné bicar ho’o, ai naim toé helek oné ranga de Mori Keraéng.

YOHANÉS 8:9

Maik woko poli dengén lisé curup hitu itus kali ca cad ngod, pu’ung oné mai ata tu’a laing. Cemoln ga, téké kaut Mori Yésus agu inéwai hitu ata mengkek kin oné baté ka’éngn.

LUKAS 1:1

Keraéng Téofilus, Dod’g ata situt te tur ca keréba latang te sanggéd taung apa situt poli mangad oné mai beréha ité,

TOMBO PÉTÉ GORI DE RASUL-RASUL 22:16

Ho’o ga, co’o tara sésénga’i kim hau? To’o ga, agu sendo wekim te cebong le waé serani agu sanggéd ndékokm pandé nggeluk ali caro ngasang de Mori Keraéng.

IBRANI 6:11

Ngoéng dami kudut néténg-néténg méu néka ngondé holes agu néka mejeng hesé dengkir cemoln wiga méu toét-toé tibas apa ata bengkes de méu.

IBRANI 10:1

Oné Adak Taurat hanang nénu kanang oné-mai sanggéd ata di’ad situt kudut mais, toé ba tara tu’ung. Adak Taurat toé ngancéng pandé besik laing isét mai ngaji, koném po hélang situt camas takung mtaungs lété ntaung.