IBRANI 1:3 - Bahasa Manggarai New Testament

³ Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 1:3 Referans Kwoze

WIDANG SI’ANG ONÉ HI YOHANÉS 4:11

“Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

YOHANÉS 1:4

Hiay pu’un mosé, agu mosé hitu te gérak manusiay.

IBRANI 10:12

Maik du poli takung cangkalin kaut hélang léca, hituy kali ata ngancéng koso ndékok laing, hi Kristus lonto baling racap wanang de Mori Keraéng tédéng lén.

YUDAS 1:25

Cay kali Mori Keraéng Ata Sambé ité létang li Yésus Kristus, Mori dité. Hia dé Mori hitut mengit, angos, du pu’ung médé main dengkir te ho’on agu tédéng lén. Amén!

IBRANI 9:26

Ai émé nggitu, Hia paka donta ta’ong susaN pu’ung dédékn lino ho’o. Maik te ho’on ga, du cekeng turung cemol ho’o, Hia si’ang wekiN cangkalin kaut latang te ampong ndékok ali takung Weki Run.

1 YOHANÉS 1:7

Maik émé ité mosé oné gérak cama ného Mori Keraéng ka’éng oné gérak, ité te ulu-pukul agu haé-ata agu sanggéd ndékok dité koso taungs le Dara de Mori Yésus, AnakN.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

1 YOHANÉS 3:5

Pecing le méu, te Hia mai kudut ampong sanggéd ndékok. Oné Hia toé kéta manga ndékok.

2 PÉTRUS 1:16

Mori dité hi Yésus Kristus te mai koléy déméng mengitN. Du ba keréba hitu oné méu, toé campit le joak de manusia maik le ita dungka lami mengit Diha.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

IBRANI 8:1

Icid sanggéd taung situt tombo dité weli ga: Ité manga Imam Mésé ata nenggituy, ata lonto oné racap wanang seriga de Mori Keraéng ata Mésé Tu’ung éta Surga.

MARKUS 16:19

Du poli curup nenggitun Mori Yésus agu isé, héndéng Hia nggere-éta Surga, agu lonto du racap wanang de Mori Keraéng.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.

IBRANI 7:27

Hia toé ného imam-imam mésé banay, siot lété leso paka ba takung hélang latang te koso ndékok de weki rud, agu poli hitu itu po latang te koso ndékok de ro’éng. Ai gori hitu poli pandén Liha cangkalin latang te tédéng lén, du Hia takung weki Run.

TOMBO PÉTÉ GORI DE RASUL-RASUL 2:33

Du Hia poli téti nggere-étan ali limé wanang de Mori Keraéng agu tiba Nai Nggeluk hitut poli rekén oné mai Mori Keraéng Ema, itu mangan téing Nai hitu Liha ného ita agu dengé de méu ho’o.

YOHANÉS 1:29

Ného diangn ga hi Yohanés ita main Mori Yésus mai nggere- cé’é hiay, agu mai taén: “Lélo ga Anak Jimbal de Mori Keraéng, ata koso ndékok de lino.

KOLOSÉ 3:1

Landing hitu, émé méu poli to’o kolém cama agu hi Kristus, kawé koém cao-ca situt éta Surga, nia mangan hi Kristus, ata lonto oné racap wanang de Mori Keraéngy.

ROMA 8:34

Hi Kristus Yésus hitut poli matan? Ngot tambang kolé: Ngong Hia ata poli to’o kolén, ata poli lonto oné racap wanang de Mori Keraéng, ngot ciri Ata Kambé latang te ité?

TOMBO PÉTÉ GORI DE RASUL-RASUL 7:56

Mai taén: “Tu’ung kéta, aku ita léngan awang agu Anak Manusia hesé oné racap wanang de Mori Keraéng.”

ROMA 1:16

Ali toé ritak aku latang te ba Keréba Di’a, ai Keréba Di’a hitu mberes de Mori Keraéng hitut pandé selamak néténg ata situt imbi. Keréba di’a hitu laring cain kéta latang te ata Yahudi agu ata Yunani.

IBRANI 9:16

Ai nia manga pedé, nitu paka tombo te hiat pandé pedé hitu polig matan.

MATÉUS 22:24

“Tuang Guru, taé di Musa, émé mata cengata agu toé manga na’a waén, asé-ka’én paka lili winan, kudut manga na’a waén, latang te asé-ka’én hitu.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 1:13

Ai Mori Keraéng toé dé’it manga curup nenggo’o oné cengata malékat: “Lonto ga oné racap wanang’G, dengkir pandé Laku sanggéd ata baliM, te ciri lapéng wa’iM.”

2 PÉTRUS 1:17

Ai hi Yésus Kristus tiba hiang agu mengit oné-mai Mori Keraéng Ema. Du hitu cain oné Hia reweng de Mori Keraéng, nenggo’o taéN, “hau dé Anak momang Daku, ata henan kéta oné Nai Daku.”