IBRANI 1:2 - Bahasa Manggarai New Testament

² Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.

IBRANI 1:2 Referans Kwoze

1 KORINTUS 8:6

Maik latang te ité hanang manga ca kanangy kali Mori Keraéng, Hi Ema, ata dédékd sanggéd cao-ca. Latang te Hiat ité moséd. Agu ca kanang kali Morin ngong hi Yésus Kristus, ata lut Hia sanggéd cao-ca poli dédék agu landing le Hia, ité moséd.

YOHANÉS 1:3

Sanggéd ménan dédék Lihas agu émé toé manga Hia toé kéta manga can ata mangan, oné mai sanggéd so’ot poli dédékd.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

1 PETRUS 1:20

Hi Kristus hitu, poli pilén le Mori Keraéng du toéd dédék lino. Du tiong leso cemol de lino, Hia mai koley kudut méu tiba selamak.

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

YOHANÉS 13:3

Pecing le Mori Yésus te Eman poli téing sanggé-ménan agu Hia te mai oné mai Mori Keraéng agu kolé oné Mori Keraéng.

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

IBRANI 11:3

Ali imbi, idep lité te tanan wa awangn éta, parn awo kolepn salé, poli dédék le reweng de Mori Keraéng. Jari, apa ata itad, poli jarid oné-mai apa ata toé itad.

ROMA 8:17

Émé ité ho’o anak, ité ho’o kolé ata tiba mbaté. Ngong ata manga hakd te tiba reké de Mori Keraéng, ata tiba lité cama-cama agu hi Kristus. Émé ité ta’ong susa cama-cama agu Hia, ité kolé mengit cama laing agu Hia.

YOHANÉS 3:16

Ai nenggitu mésén momang de Mori Keraéng latangt lino ho’o, wiga Hia téing Anak'N ata léca kudut sanggéd ata imbi Hia toé matas, maik haéng mosé tédéng lén.

MATÉUS 26:63

Landing Mori Yésus hema kéta kin. Maig taé de Imam Mésé hitu agu Hia: “Lé ngasang de Mori Keraéng, taé agu ami, co’o Hau, hi Mésias Anak de Mori Keraéng, ko toéh?”

MATÉUS 21:38

Maik du isé situt duat ita lisé anakn hitu, mai taéd cama taud: Hiap ata tiba mbaté, wajo mbelé kolé hia lité, kudut mbatén ciri dités morid.

IBRANI 5:8

Koném po Mori Yésus Anak de Mori Keraéng, maik Hia poli nungku te junggu oné ta’ong susaN.

ÉFÉSUS 1:10

Ho’oy nanéngN hitu: sanggéd caoca, éta Surga ko oné lino, nai ca anggit agu hi Yésus Kristus tu’ad sanggéd caoca.

IBRANI 7:3

Hi Mélkisédék hitu toé manga endé-eman agu toé manga turuk empon. Leso diha toé manga pu’ungn agu mosé diha toé manga cemoln. Ai hia cama ného Anak de Mori Keraéngy, wiga ciri imam kin tédéng lén.

IBRANI 2:3

Ité toé ngancéng cépéd émé pandé kéba kaut keréba selamak hitut mésé, ata keréba le Morin laring cain agu nesa kéta oné ité lisét poli dengé Hia.

IBRANI 1:5

Ai Mori Keraéng toé dé’it manga curup nenggo’o oné cengata malékat: “Anak Daku dé Hau! Hau poli ciri Anak Dakum leso ho’o.” Ko toé de’it kolé taé nenggo’o latang te malékat bana “Aku te ciri Ema Diha, agu Hia te ciri anak Dakuy.”

ÉFÉSUS 3:9

Ca salangn kolé, kudut létang laing aku te baé taung lata, co’oy Mori Keraéng hitut dédék tanan wa béangn éta pandé cai olos nanéngN ata pu’ung danong main cehas Liha latang te lino ho’o.

GALATIA 4:4

Maik du rapakg leson, itu kali Mori Keraéng wuat AnakN. Hia loas le cengata iné-wai agu mosé lorong wintuk Taurat.

TOMBO PÉTÉ GORI DE RASUL-RASUL 10:36

Hituy reweng hitut tombo Liha oné ata Israél, du Hia ba keréba hambor agu meler lut Mori Yésus Kristus, Mori de sanggén ata.

YOHANÉS 15:15

Méu toé kolé caro mendim Laku ai mendi toé mopo apa hitut pandé de morin, maik Aku bénta méu haé reba, ai Aku poli tombo agu méu, sanggéd situt poli dengé Laku oné mai Ema Daku.

YUDAS 1:18

Polig tombon lisé oné méu, “Turung cemoln lino tuad ata loér méu, ngong ata siot mosé lorong belek da’atd.”

ROMA 1:4

maik lorong Nai Nggeluk si’ang le to’o kolé Diha oné mai ata mata, te Hia kéta Anak de Mori Keraéng ata manga kuasan, hi Yésus Kristus Mori dité.

TOMBO PÉTÉ GORI DE RASUL-RASUL 2:17

Te jari du leso cemol, nenggituy reweng de Mori Keraéng, te Aku kudut téi Naig latang te sanggén ata, wiga sanggéd anakm ata rona agu iné-waid te tombo pedé de Mori Keraéng, agu ata reba-ata molas te manga itad, agu sanggéd ata-tu’a te manga nipid.

YOHANÉS 17:2

Cama ného Ité poli téing oné Hia kuasa latang te sanggéd situt mosé, nenggitu kolé Hia, te téing mosé tédéng lén oné sanggéd situt poli téing Lité agu Hia.

YOHANÉS 16:15

Sanggéd-ménan situ Diha Emas morid, situ kolé léléng Dakus morid; landing hitu curup muing Laku: Hia te keréba oné méu, sanggéd situt tiba Liha oné mai Akud.”

MARKUS 12:6

Og kali retang hanang cengata kanangy, anak run ata momang kétay liha. Turung cemoln wuat liha hia nggere-oné isé, ai nggo’o nukn: Anak daku ho’o, toét-toé sengang lisé.

MARKUS 1:1

Ho’o dé kréba di’a laring cain te tombo Mori Yésus Kristus Anak de Mori Keraéng.

2 PÉTRUS 3:3

Ata mésén paka pecing le méu, du leso cemol, tuas ata situt mosé lorong belek da’atd. Isé situ te loér méus.

IBRANI 1:8

Maik latang te AnakN nenggo’o taéN, “Seriga Dité yo Mori, tédéng lén kin agu Adak Dité agil agu molor.”

IBRANI 9:26

Ai émé nggitu, Hia paka donta ta’ong susaN pu’ung dédékn lino ho’o. Maik te ho’on ga, du cekeng turung cemol ho’o, Hia si’ang wekiN cangkalin kaut latang te ampong ndékok ali takung Weki Run.

YOHANÉS 3:25

Manga ndu-ndél taud ata nungku di Yohanés agu cengata ata Yahudi landing wintuk te pandé nggeluk weki.

MATÉUS 3:17

mai nitu main dengég reweng éta mai Surga, nenggo’o taén: “Ho’o dé Anak ata cembes Daku, Hia kéta dé ata kopn Laku.”

MATÉUS 13:39

Ata bali hitut wécak wini ri’i, ngong jing da’at. Cekeng ako, ngong du cemoln lino agu sanggéd ata ako, ngong malékat.

MARKUS 12:7

Maik isét séwa uma hitu curup cama taud: Hia ho’op ata na’a mbaté de eman, wajo é, ala hia lité, kudut mbaté so’o dités morid.

YOHANÉS 1:10

Reweng polig mangan oné lino, agu lut Hia lino ho’o dédékn, maik lino ho’o toé pecing Hiay.

YOHANÉS 5:26

Ai cama ného hi Ema manga mosé oné weki de Run, nenggitu kolé téing Liha oné Anak manga mosé oné weki de Run.

YOHANÉS 5:27

Agu Hia poli téing kuasa oné Anak'N kudut beté bicar, ai Hia Anak Manusiay.

YOHANÉS 9:29

Pecing lami, Mori Keraéng poli curup agu hi Musa, maik latang te Hia toé pecing lami, mai nia main Hia.

1 KORINTUS 2:7

Maik situt keréba dami, nggalas de Mori Keraéng. Nggalas hitu toé ita le matas agu pété cehas latang te lino ho’o, maik poli mengkekd le Mori Keraéng latang te angos dité du toé di dédékn lino ho’o.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 7:28

Ai Adak Taurat poli téti ata siot toé besikd te ciri Imam Mésé. Maik du poli Adak Taurat, Mori Keraéng reké agu wada te téti AnakN ciri Imam Mésé ata besikn te tédéng lén.

YOHANÉS 13:32

Émé Mori Keraéng bong oné Hiay, Mori Keraéng te bong Hia kolé oné wekiN, agu te bong muing Hia.