FILÉMON 1:24 - Bahasa Manggarai New Testament

²⁴ agu oné-mai hi Markus, hi Aristarkhus, hi Démas agu hi Lukas, haé-reba ca gori agu aku.

FILÉMON 1:24 Referans Kwoze

KOLOSÉ 4:14

Tabé latang te méu oné-mai doktér Lukas ata momang agu oné-mai hi Démas.

KOLOSÉ 4:10

Tabé latang te méu oné-mai hi Aristarkhus, haé réba ata bui agu aku, agu oné-mai hi Markus bangkong di Barnabas – latang te hia méu poli tiba pedé; tiba koé hiam, émé hia mai oné méuy –

TOMBO PÉTÉ GORI DE RASUL-RASUL 19:29

Sanggén taung ata oné béndar cirik cebels agu isé ramé-ramé ngo oné mbaru nempung de lawa do agu sorok hi Gayus agu hi Aristarkhus, isét sua so’o ata Makédonia agu haé lako di Paulus.

TOMBO PÉTÉ GORI DE RASUL-RASUL 12:12

Poli kaut noingn, ngo hia oné mbaru di Maria endé di Yohanés ata le caron hi Markus. Nitu do kéta ata lari nempung agu ngajis.

TOMBO PÉTÉ GORI DE RASUL-RASUL 27:2

Ami léti ca kepal oné mai Adramitium ata kudut ngo oné osang baté asi de kepal oné lupi nanga Asia, itu kali lako’gm. Hi Aristarkhus cengata ata Makédonia, oné mai Tésalonika cama laing agu ami.

TOMBO PÉTÉ GORI DE RASUL-RASUL 12:25

Hi Barnabas agu hi Saulus kolé oné mai Yérusalém du polig gori disé. Isé dadé hi Yohanés ata le caron kolé hi Markus.

3 YOHANÉS 1:8

Ité paka campé sanggéd ata wéwa Keréba Di’a, wiga ali hitu oné bod ité te wéwa toing molor de Mori Keraéng.

PILIPI 4:3

Ngot tegi kolé laku hau Sunsugos, haé reba daku ata junggu: campé koé isét sua. Ai isé poli mping cama laing agu akud oné wéro Keréba Di’a. Nenggitu kolé haé reba daku hi Kléméns agu haé reba daku situt iwod, ata manga ngasangd oné Buku Data Mosé.

PILIPI 2:25

Lari nggitun, rékéng laku te jera kolé nggere-oné méu hi Épafroditus, ata poli wuat le méu danong latang te keturu aku. Hia poli ciri haé reba ca imbi daku agu haé reba ca gori daku.

2 KORINTUS 8:23

Hi Titus haé-reba daku ata gori cama laing agu aku latang te méu; asé-ka’é ca imbi situt iwod, ata wuat lata serani, agu ciri ca bong latang te hi Kristus.

TOMBO PÉTÉ GORI DE RASUL-RASUL 13:13

Itu kali hi Paulus agu haé reban ledong béndar Pafos agu lajar nggere-oné béndar Pérga oné tana Pamfilia, maik hi Yohanés ledong iséy, itu kali kolén nggere-oné Yérusalém.

1 PETRUS 5:13

Tabé latang te sanggés taung méu, oné-mai asé-ka’é ca imbi ata poli piléd le Mori Keraéng oné Babilonia. Tabé kolé oné-mai hi Markus, anak momang daku.