FILÉMON 1:17 - Bahasa Manggarai New Testament

¹⁷ Émé hau rékéng aku ného asé-ka’é ca imbi, hau paka tiba hia cama ného tiba aku.

FILÉMON 1:17 Referans Kwoze

2 KORINTUS 8:23

Hi Titus haé-reba daku ata gori cama laing agu aku latang te méu; asé-ka’é ca imbi situt iwod, ata wuat lata serani, agu ciri ca bong latang te hi Kristus.

MATÉUS 10:40

Céi-céing ata tiba méu, hia tiba Akuy, agu céing ata tiba Akuy, hia tiba Hiat wuat Akuy.

FILÉMON 1:12

Hi Onésimus hitut momang laku cama ného anak de rug, te jera koléy laku nggere-oné hau.

JAMES 2:5

Séngét koém, asé-ka’é ata momang laku! Mori Keraéng pilé ata siot rékéng lénggé le lino ho’o kudut ciri bora oné imbi. Isé kolé ciri ata tiba mbaté de Adak Surga ata poli rekén Liha latang sanggéd ata siot momang Hia.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

ÉFÉSUS 3:6

Ho’oy pété ceha hitu: lut Keréba Di’a hitu, ata toé Yahudi ngancéng tiba sanggéd berkak de Mori Keraéng hiot danong ambi latangt ata Yahudi kanang. Sanggéd ata toé Yahudi poli ciri nggota de weki hitut ca agu tiba apa ata poli reké de Mori Keraéng létang laing hi Kristus Yésus.

TOMBO PÉTÉ GORI DE RASUL-RASUL 16:15

Du poli cebong le waé seranin hia, agu sanggéd ata oné mbarun, hia wancong amiy, mai taén: “Émé le nuk de méu aku ho’o poli imbi tu’ung-tu’ung kamping Mori Keraéng, mai ga, cénggo oné mbaru daku.” Hia dedek ami wiga lorong muing lami.

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

MATÉUS 18:5

Agu céing ata tiba cengatan anak koé ného ho’o le ngasang Daku, hia tiba akuy.”

1 YOHANÉS 1:3

Ata poli ita agu poli dengé dami, hituy dé ata keréba kolé lami, kudut méu nai-ca anggit agu amim. Tuka ca léléng dami hitu, ngong tuka ca léléng agu hi Ema agu hi Yésus Kristus AnakN.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

FILÉMON 1:10

Tegi daku kamping hau, nuk koé le hau hi Onésimus, ai hia cama kéta ného anak de rug ata poli titongn laku oné bui te imbi hi Kristus.

PILIPI 1:7

Bo tu’ung naun te aku nuk nenggituk latang te sanggés taung méu, ai méu manga oné nai dakum. Céwén kolé, méu cama-cama agu aku tiba widang de Mori Keraéng, te ho’on du aku rémé oné buig ko danong du be pé’ang-mai buig te kambé agu te ndengn Keréba Di’a hitu.

FILÉMON 1:18

Émé hia manga dé’it pandé salan ko manga raungn oné hau, sanggéd taung situ pando oné akus.