FILÉMON 1:11 - Bahasa Manggarai New Testament

¹¹ Bo tu’ung kali danong hia toé manga belarn latang te hau, maik te ho’on ga, belarn kéta latang te hau agu latang te aku.

FILÉMON 1:11 Referans Kwoze

2 TIMOTIUS 4:11

Hanang hi Lukas ata ka’éng agu akuy. Curu koé hi Markus agu dadé hia nggere-cé’é, ai gori keturu diha jarin latang te aku.

1 PETRUS 2:10

Danong méu toé ro’éng de Mori Keraéngm, maik te ho’on poli ciri ro’éng Dihas. Danong méu toé momangm le Mori Keraéng, maik te ho’on poli tiba momang Dihas.

LUKAS 15:32

Naun kéta muing ité pandé ramé agu nakat, ai asém hitu néhot poli matan, maik mosé koléy, hia poli moran, maik ita koléy.”

ROMA 3:12

Sanggén ata poli wanta, sanggéd taung isé toé manga betuad toé manga ata pandé di’a, cengatan koé toé.

LUKAS 17:10

Nenggitu kolé néng méu. Émé méu poli pandé sanggéd kéta taung situt poli jera agu méud, porong méu taé: Ami mendi ata toé manga betua laingn; ami hanang pandé kaut apa situt paka pandés lami.”

LUKAS 15:24

Ai anak daku ho’o néhot poli matan, maik mosé koléy, hiat poli moran, ita koléy. Itug kali raméd ga.

MATÉUS 25:30

Aku péncary mendi hitut toé manga betuan, oné nendep ata céwé tuil kéta. Nitu te manga jéjéng agu kérek ngis.”

FILÉMON 1:10

Tegi daku kamping hau, nuk koé le hau hi Onésimus, ai hia cama kéta ného anak de rug ata poli titongn laku oné bui te imbi hi Kristus.

FILÉMON 1:12

Hi Onésimus hitut momang laku cama ného anak de rug, te jera koléy laku nggere-oné hau.