TOMBO PÉTÉ GORI DE RASUL-RASUL 6:3 - Bahasa Manggarai New Testament

³ Landing hitu asé-ka’én, pilé pitu taun oné mai méu, ata pecing taung lata te isé ata di’a, agu penong le Nai Nggeluk agu léwé nuk, kudut ami téti isé oné gori situ,

TOMBO PÉTÉ GORI DE RASUL-RASUL 6:3 Referans Kwoze

2 TIMOTÉUS 5:10

Tandan, baé lata te hia iné-wai ata gauk di’ay, ného: aréng anak, dumpek oné mbarun, waca wa’i de asé-ka’é ca imbi, campé ata siot mosé oné susa – wokokn ga, iné-wai luang siot poli papé sanggéd sokor latang te pandé di’a.

3 YOHANÉS 1:12

Sanggéd weki serani naring hi Démétrius. Mori Keraéng kaut naring hia koléy. Ami kolé tombo gauk di’a di Démétrius hitu. Pecing le méu te sanggéd tombo dami hitu ngancéng imbi laings.

JAMES 1:17

Sanggéd téing ata di’an agu tabing ata besikd, mai éta-maid, ngong wa’u éta-mai hi Ema ata dédék sanggéd gérak éta awang. Hia dé Mori Keraéng ata toé manga caling ko campit tara mangan nendep.

ÉFÉSUS 5:18

Néka langum le anggor, ai anggor hitu pandé kéngko belek da’at, maik poro méu kali penong le Nai Nggeluk.

1 KORINTUS 16:3

Du caig aku, aku te jera ata, atat patun le méu latang te hitu, ba agu surak te karongd nggere-oné Yérusalém kudut tombo téing de méu situ.

TOMBO PÉTÉ GORI DE RASUL-RASUL 22:12

Nitu manga cengata, ngasangn hi Ananias cengata ata nggeluk lorong wintuk Taurat agu mbou kéta ngasangn ali di’an oné mai sanggéd ata Yahudi ata manga nitud.

TOMBO PÉTÉ GORI DE RASUL-RASUL 10:22

Mai walé disé: “Hi Kornélius cengata kepala serdadu ata nggeluk agu hiang Mori Keraéng, agu pecing taung lata di’a diha, oné mai sanggéd wa’u Yahudi poli toi le malékat nggeluk, kudut hia siro ité, nggere-oné mbarun, agu kudut séngét apa kaut tombo dité agu hia.”

TOMBO PÉTÉ GORI DE RASUL-RASUL 6:6

Isé ngo oné ranga de rasul-rasul, og kali rasul-rasul situ ngajis agu témba liméd éta sa’i disé téing berkak.

TOMBO PÉTÉ GORI DE RASUL-RASUL 2:4

Itug kali penongd isé le Nai Nggeluk agu pu’ung tombo oné curup banas cama ného hitut téi le Nai hitu agu isé kudut tombod.

TOMBO PÉTÉ GORI DE RASUL-RASUL 1:21

Landing hitu paka tambang kolé cengatan latangt ami oné mai isét laséng mai neki ca agu ami tédéng du cama agu Mori Yésus.

MATÉUS 23:8

Maik méu néka kéta caro rabim; ai ca kanang kali rabi de meu, agu sangges meu asé-ka’ém.

1 KORINTUS 12:8

Ai oné hiat cengata Nai Nggeluk téi widang mu’u luju agu lema emas, agu latang te ata iwod téi widang nggepuk te tombo si’ang latangt Mori Keraéng.

TOMBO PÉTÉ GORI DE RASUL-RASUL 16:2

Hi Timotéus ho’o pecing taung lasé-ka’é ca imbi te hia ata di’a, oné Listra agu oné Ikonium,

TOMBO PÉTÉ GORI DE RASUL-RASUL 15:23

Isét sua so’o ata sa’i galan oné mai asé-ka’é situt ca imbi. Nggere-oné isé téi surak ata nggo’oy runingn: “Tabé oné mai ami rasul-rasul agu sanggéd ata tu’a laing agu oné mai sanggéd asé-ka’és kamping méu asé-ka’é oné Antiokhia, Siria agu Kilikia oné mai wa’u bana.

TOMBO PÉTÉ GORI DE RASUL-RASUL 9:30

Du pecing apa hitu le asé-ka’é situt ca imbis, isé dadé hia oné Kaisaréa, agu nitu main wuat hia nggere-oné Tarsus.

YOHANÉS 21:23

Og manga tombo lobo mu’u te weki situ, te ata nungku hitu toé manga matan. Maik Mori Yésus toé manga taén ngong hi Pétrus te ata nungku hitu, maik émé ngoéng’g Aku, te matay kudut hia ondang mosé dengkir agu mai kolég Aku, hitut toé nipu de hau.”

TOMBO PÉTÉ GORI DE RASUL-RASUL 1:15

Manga ca leso hi Pétrus hesé oné bahi-réha asé-ka’én situt ca imbis, lari liup neki cad, aram ceratus suampulu atas dod, mai taén:

TOMBO PÉTÉ GORI DE RASUL-RASUL 6:2

Rasul situt campulusua bénta sanggéd ata nungku situ te nempung agu mai taéd: “Toé di’an émé ami hémong te keréba Reweng de Mori Keraéng méséng kaut te wintuk lompong de méu.

TOMBO PÉTÉ GORI DE RASUL-RASUL 6:5

Gejék hitu tiba di’a le weki serani, itug kali pilén hi Stéfanus, cengata ata imbi mésé agu penong le Nai Nggeluk, agu hi Pelipus, Prokhorus, Nikanor, Timon, Parménas agu hi Nikolaus, cengata ata lut agama Yahudi oné mai Antiokhia.

TOMBO PÉTÉ GORI DE RASUL-RASUL 28:14

Nitu ami cumang agu asé-ka’é ca imbi agu ali tegi disé ami ka’éng pitu leso nitu cama-cama agu isé. Poli hitu ami ngo oné Roma.