TOMBO PÉTÉ GORI DE RASUL-RASUL 6:11 - Bahasa Manggarai New Testament

¹¹ Itu kali isé pandé karu-kak pisa taus ata kudut taé: “Ami poli dengé hia loér hi Musa agu Mori Keraéng.”

TOMBO PÉTÉ GORI DE RASUL-RASUL 6:11 Referans Kwoze

2 TIMOTÉUS 1:13

Bo tu’ung kali, danong aku manga dé’it lawang Mori Yésus, wahéng agu pandé mericu Hia. Maik Mori Yésus momang akuy, ai pandé situ daku ali toé di manga paéng imbi oné naig, wiga aku toé pecing apa situt pandé daku.

ROMA 3:8

Co’o tara toé nggo’on taé dité, “Mait ga ité pandé da’at kudut tua ata di’ad?” Bo tu’ung manga loér data ata curup te ité taé nenggitu. Ata nenggitu patun te tiba wahéng.

TOMBO PÉTÉ GORI DE RASUL-RASUL 25:7

Du cai nitun hi Paulus sanggéd ata Yahudi situt mai oné mai Yérusalém hesé léok hias agu isé do kéta barod ata pandé mendo hia, landing toé ngancéng téi tanda lisé.

TOMBO PÉTÉ GORI DE RASUL-RASUL 25:3

Oné hia tegi lisé can tabing ata pandé calang hi Paulus kudut jera hi Paulus ngo oné Yérusalém. Ai isé lari bantang kudut mbelé hia oné bahi-réha salang.

TOMBO PÉTÉ GORI DE RASUL-RASUL 21:28

cang agu ciékd: “Oé ata Israél, campé yé! Ho’oy ata hiot nia-nia kaut wan toing sanggén ata kudut dungkang wa’u dité agu néka lorong wintuk Taurat agu osang nggeluk ho’o! Te ho’on hia dadé ata Yunani kolé nggere-oné Mbaru de Mori Keraéng agu pandé rinek osang nggeluk ho’o.”

TOMBO PÉTÉ GORI DE RASUL-RASUL 18:6

Maik du sanggéd ata situt dungkang agu loér hia, péntang liha kebok oné mai ceca pakén agu mai taén ngong isé: “Nahé dara rus bowo oné sa’i rus, aku nggélokg, toé manga salag. Pu’ung ho’o ga, aku kudut ngo oné wa’u-wa’u banak.”

TOMBO PÉTÉ GORI DE RASUL-RASUL 15:21

Ai pu’ung danong main, Wintuk di Musa keréba taung oné néténg-néténg béndar agu dengkir te ho’on Wintuk hitu bacang kin du néténg-néténg leso sabat oné mbaru-mbaru ngaji.”

TOMBO PÉTÉ GORI DE RASUL-RASUL 6:13

Itus kali toso ata saka-si adong, taéd: “Ata ho’o toé kéta hema bon tombo léwang osang nggeluk ho’o agu Wintuk Taurat,

YOHANÉS 16:3

Isé pandé nenggitu, ai toé pecing lisé, ngot hi Ema, ngot Aku.

YOHANÉS 9:29

Pecing lami, Mori Keraéng poli curup agu hi Musa, maik latang te Hia toé pecing lami, mai nia main Hia.

YOHANÉS 1:17

ai Adak Taurat ata widang li Musa, maik widang momang agu ata molorn mai oné mai hi Yésus Kristus.

TOMBO PÉTÉ GORI DE RASUL-RASUL 26:11

Oné mbaru-mbaru ngaji, aku dondé wahéng isé agu denet isé kudut pali imbid agu ali cumpeng mésé aku dolong isé, ngot haéng oné béndar data.”

TOMBO PÉTÉ GORI DE RASUL-RASUL 6:10

maik isé toé ngancéng dungkang nai ngalis ata téing le Nai Nggeluk hitut susung hia te curup.

TOMBO PÉTÉ GORI DE RASUL-RASUL 6:12

Ali hitu isé sosok ata dos agu tu’a-tu’a agu ata pecing Taurat, isé deko hi Stéfanus, sorok hia agu dadé hia oné ranga de Adak Agama.