TOMBO PÉTÉ GORI DE RASUL-RASUL 22:8 - Bahasa Manggarai New Testament

⁸ Mai walé daku: Céing néng Ité Mori? Mai taén: Aku hi Yésus, ata Nasarét, hitut wahéng le hau.

TOMBO PÉTÉ GORI DE RASUL-RASUL 22:8 Referans Kwoze

TOMBO PÉTÉ GORI DE RASUL-RASUL 26:9

Weki rug kaut aku manga bet kudut aku paka pandé ata mésén kudut léwang ngasang de Mori Yésus oné mai Nasarét.

TOMBO PÉTÉ GORI DE RASUL-RASUL 6:14

ai ami poli dengé hia tombo te Mori Yésus ata Nasarét hitu, te pandé renco osang ho’o agu caling adak dité, ho’ot mbaté di Musa oné ité.”

TOMBO PÉTÉ GORI DE RASUL-RASUL 4:10

kudut pecing di’a-di’a le méu agu le sanggén ro’éng Israél, te oné ngasang de Mori Yésus Krisrtus ata Nasarét hiot poli panggoln le méu, maik poli pandé mosé kolén le Mori Keraéng oné mai ata mata – landing ali Mori Yésus hitu tara ata ho’o hesé agu weki di’an wa ranga de méu te ho’on.

TOMBO PÉTÉ GORI DE RASUL-RASUL 3:6

Maik taé di Pétrus: “Emas agu pérak toé manga oné aku, maik apa kaut ata mangan oné aku, aku téing hau: Le ngasang de Mori Yésus Kristus, ata Nasarét hitu, to’o agu lakoh ga!”

MATÉUS 25:45

Itu kali Hia te walé iséy: Aku taé agu méu; moro matan, sanggéd kaut ata toé pandé le méu latang te cengatan oné mai isét lengki da’at so’o, méu toé pandé kolé latang te Aku.

MATÉUS 2:23

Du cain nitu, hia ka’éng oné ca bendar, ngasangn, Nazarét. Sanggéd situ kudut rapak reweng de Mori Keraéng ata poli caing néténg nabi, ai kudut caron Hia: Ata Nazaréty.

1 KORINTUS 12:12

Ai cama ného weki hitut cay kali maik dod nggotan. Sanggéd nggota weki hitu koném po dod léléng ca wekiy kali, nenggitu kolé hi Kristus.

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

TOMBO PÉTÉ GORI DE RASUL-RASUL 10:14

Maik mai taé di Pétrus: “Toé oo Mori, ai aku toé dé’it laséng hang apa kaut ata ireng agu rinek.”

TOMBO PÉTÉ GORI DE RASUL-RASUL 22:7

Itu kali doalg aku nggere-wa tana agu aku dengé reweng ata curup agu aku: Saulus, Saulus, co’o tara mbelé Akum hau?