TOMBO PÉTÉ GORI DE RASUL-RASUL 21:8 - Bahasa Manggarai New Testament

⁸ Ného diangn ami ngo nitu mai’gm agu cai oné Kaisaréa. Ami ngo oné mbaru de cengata ata ba keréba di’a, ngasangn hi Pelipus. Hia cengata oné mai ata pitu siot poli pilé oné Yérusalém, agu ami ka’éng oné mbaru dihakm.

TOMBO PÉTÉ GORI DE RASUL-RASUL 21:8 Referans Kwoze

TOMBO PÉTÉ GORI DE RASUL-RASUL 6:5

Gejék hitu tiba di’a le weki serani, itug kali pilén hi Stéfanus, cengata ata imbi mésé agu penong le Nai Nggeluk, agu hi Pelipus, Prokhorus, Nikanor, Timon, Parménas agu hi Nikolaus, cengata ata lut agama Yahudi oné mai Antiokhia.

ÉFÉSUS 4:11

Hia ata widang sanggéd nabit oné manusia: manga ata téti Liha te ciri rasuls, ata iwod ciri nabis, ata iwod ciri ata wéwad Keréba Di’a hitu, agu ata iwod kolé téti ciri gurus te titong weki serani.

2 TIMOTIUS 4:5

Maik hau, kuasa koé wekim oné sanggén cao-ca, ta’ong ga oné susa, ngoh ga te wéro Keréba Di’a agu paka pandé tu’u-tu’ung gori keturum hitu!

TOMBO PÉTÉ GORI DE RASUL-RASUL 28:16

Du cai’gm ami oné Roma, hi Paulus sendo te ka’éng oné mbaru de run cama laing agu cengata tentera ata loréng hia.

TOMBO PÉTÉ GORI DE RASUL-RASUL 16:13

Du leso sabat ami ngo be-pé’ang lewang béndar. Ami lako loléng ngalor agu cumang osang baté ngaji data Yahudi, ata poli pangong lami anggat manga nitu. Du poli lontogm ami tombo-tombo agu iné-wai ata nempung nitu.

TOMBO PÉTÉ GORI DE RASUL-RASUL 16:10

Du poli uré hitu hi Paulus, hidi-hada kawé salang co’o kudut ngancéng nggere-oné Makédonia, ai oné mai uré hitu, baég lami te Mori Keraéng poli bénta ami kudut ba Keréba Di’a oné sanggéd ata nitu.

TOMBO PÉTÉ GORI DE RASUL-RASUL 9:30

Du pecing apa hitu le asé-ka’é situt ca imbis, isé dadé hia oné Kaisaréa, agu nitu main wuat hia nggere-oné Tarsus.

TOMBO PÉTÉ GORI DE RASUL-RASUL 28:11

Telu wulang wa ga, ami lajar nitu mai’gm léti ca kepal oné mai Aléksandria ata du cekeng cés, ka’éng oné nuca hituy. Kepal hitu paké tanda Dioskuri.

TOMBO PÉTÉ GORI DE RASUL-RASUL 27:1

Du poli betén te ami lajar nggere-oné Italia, itu kali hi Paulus agu pisa taus ata bui bana téi oné cengata tentera, ngasangn hi Yulius oné mai tentera de Kaisér.

TOMBO PÉTÉ GORI DE RASUL-RASUL 23:23

Poli hitu kepala tentera bénta sua taus tentera agu mai taén: “Mengkek sua ratusn tentera kudut ngo oné Kaisaréa agu pitumpulun ata léti jarang agu sua ratusn ata ba korung, aram ongga ciok wié ho’o.

TOMBO PÉTÉ GORI DE RASUL-RASUL 20:13

Ami pado-olokm nggere-oné kepal, agu lajar nggere-oné béndar Asos kudut curu hi Paulus nitu, lorong bantangn, ai hia nanang lako oné tana masay.

TOMBO PÉTÉ GORI DE RASUL-RASUL 20:6

Maik du poli ramé Roti Toé Manga Ragin, ami lajar oné mai Filipi agu lima leso kaut wa, caik ami oné Troas, cumang agu isé. Pitu leso béhéng’g ami ka’éng nitu.

TOMBO PÉTÉ GORI DE RASUL-RASUL 18:22

Hia cai oné béndar Kaisaréa, agu du lako nggere-pé’ang tana masan, téi tabé oné sanggéd ata serani, itu kali ngon oné Antiokhia.

TOMBO PÉTÉ GORI DE RASUL-RASUL 16:16

Manga cengkalin lari du ngo oné osang ngaji hitu, ami cumang agu cengata mendi iné-wai ata émé kuasa le jingy, ngancéng téka-nampoy. Ali téka-nampo diha, mori diha dumpu dani mésé.

TOMBO PÉTÉ GORI DE RASUL-RASUL 10:1

Oné Kaisaréa, manga cengata ata rona ngasangn hi Kornélius. Hia kepala serdadu data Italia.

TOMBO PÉTÉ GORI DE RASUL-RASUL 21:16

Cama laing agu ami lut kolé pisa taus ata nungku oné mai Kaisaréa. Isé dadé ami ngo oné mbaru diha Manason. Hia oné mai Siprusn agu remog béhéngn ciri ata nungku. Ami te ka’éng oné mbaru dihakm.