TOMBO PÉTÉ GORI DE RASUL-RASUL 2:42 - Bahasa Manggarai New Testament

⁴² Isé seberd te lorong toing de sanggéd rasul agu nempung mtaungs. Isé nempung mtaungs kudut pu’ils roti te hang agu ngaji cama laings.

TOMBO PÉTÉ GORI DE RASUL-RASUL 2:42 Referans Kwoze

IBRANI 10:25

Ité kali nai ca anggit te ngaji cama laing, néka ngondé holes ného pandé de pisa taus ata. Mait ga ité toing cama taud, ai pecing lité te leso de Mori Keraéng ruisn ga.

TOMBO PÉTÉ GORI DE RASUL-RASUL 1:14

Sanggéd taung isé ca nais oné ngaji, cama laing agu pisa taus iné wai agu hi Maria endé de Mori Yésus agu sanggéd asé-ka’é'N.

1 YOHANÉS 1:3

Ata poli ita agu poli dengé dami, hituy dé ata keréba kolé lami, kudut méu nai-ca anggit agu amim. Tuka ca léléng dami hitu, ngong tuka ca léléng agu hi Ema agu hi Yésus Kristus AnakN.

1 YOHANÉS 1:7

Maik émé ité mosé oné gérak cama ného Mori Keraéng ka’éng oné gérak, ité te ulu-pukul agu haé-ata agu sanggéd ndékok dité koso taungs le Dara de Mori Yésus, AnakN.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

TOMBO PÉTÉ GORI DE RASUL-RASUL 20:7

Du leso laring cain minggu hitu, ami nempung kudut hang cama, hi Paulus tombo agu asé-ka’é situt ca imbi nitu, ai hia kudut ngoy ného diangn. Tombo hitu diha dengkir seréhang tana.

ÉFÉSUS 6:18

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

YUDAS 1:20

Asé-ka’én ata momang laku! Mbo koé mosés lut imbis oné hi Kristus agu ngaji koém oné Nai Nggeluk.

KOLOSÉ 4:2

Seber koém oné ngaji, agu jerék koém oné wali di’a.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

2 TIMOTIUS 3:14

Maik hau poro kong kim cau molorm, ata poli imbi le hau ali nuk mtaung ata siot poli toing haud.

ÉFÉSUS 2:20

Méu poli hesé bétan ligéng ata tena le sanggéd rasul agu le sanggéd nabi, agu hi Kristus Yésus dé ciri watu menggin.

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

TOMBO PÉTÉ GORI DE RASUL-RASUL 6:4

agu kudut weki rug ami ngancéng nuk kanang ngaji agu ba keréba reweng de Morin.”

TOMBO PÉTÉ GORI DE RASUL-RASUL 4:31

Agu du rémé ngajid isé, gégoy osang baté lipur disé agu sanggéd taung isé penong le Nai Nggeluks, og kali keréba lisé sanggéd reweng de Mori Keraéng agu mberes kétas.

1 KORINTUS 10:21

Méu toé ngancéng inung oné-mai piala de Mori Yésus agu inung kolé oné-mai piala de jing da’at. Méu toé ngancéng lorong te hang cama-cama agu Mori Yésus agu lorong kolé te hang cama-cama agu jing da’at.

ROMA 12:12

Nakam ga landing le bengkes, lembak koém du kélo agu seber koém oné ngaji!

IBRANI 10:39

Ité ho’o toé ata hedong kolé ko ata wéléng, maik ata imbi agu tiba mosé.

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

1 KORINTUS 11:2

Naring laku méu, ai oné sanggéd cao-ca, méu nuk kig aku agu mberes cau oné toing ata poli tombod laku oné méu.

TOMBO PÉTÉ GORI DE RASUL-RASUL 20:11

Du kolén nggere-éta lo’ang, hi Paulus pati-pati roti poli hitu hang camas; du poli hang, hia ruda olo kin tombon dengkir agu parn leso. Poli hitu hia ngon.

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.

GALATIA 1:6

Lenget kolék aku, ai méu gélang kétam holés oné-mai Mori Keraéng, ata poli pilé méun landing widang di Kristus. Co’o tara rodo gélangs kéta méu lorong keréba di’a bana,

TOMBO PÉTÉ GORI DE RASUL-RASUL 4:23

Woko poli legod, ngo hi Pétrus agu hi Yohanés oné weki serani tombo lisé sanggéd cao-ca situt curup le sanggéd imam kepala agu ata tu’a laingn oné isé.

LUKAS 24:35

Itu kali isét sua, tombo taung apa siot curup disé oné salang, agu co’o isé tara pecing Mori Yésus, du Hia pu’il rotiN.

LUKAS 24:30

Du Hia rémé hang agu iséN, emi Liha roti, itu kali berkakN, poli hitu, pu’il agu téing isé.

1 KORINTUS 14:6

Jari, asé-ka’én, émé ngo oné méuk aku agu tombo le mu’u luju agu lema emas, apa betuan hitu latang te méu? Toé kéta manga betua cekoén émé tombo le pecing do, ko le pedé, ko le toing. Dion émé tombok aku agu méu le si’ang de Mori Keraéng.

PILIPI 1:5

Aku wali di’a kamping Mori Keraéng ali nai ca anggit de méu te ba Keréba Di’a, pu’ung du leso laring cain dengkir te ho’on.