Biblia Todo Logo
Bib sou entènèt

- Piblisite -




TOMBO PÉTÉ GORI DE RASUL-RASUL 2:4 - Bahasa Manggarai New Testament

4 Itug kali penongd isé le Nai Nggeluk agu pu’ung tombo oné curup banas cama ného hitut téi le Nai hitu agu isé kudut tombod.

Gade chapit la Kopi




TOMBO PÉTÉ GORI DE RASUL-RASUL 2:4
55 Referans Kwoze  

Tanda-tanda so’o kudut loréng sanggéd ata imbi: “Isé ngancéng mbér jings le ngasang Daku, isé kudut curup le papé curup werus,


Ata nungku oné Antiokhia ngai nisang naid agu kuasa le Nai Nggeluks.


Agu du rémé ngajid isé, gégoy osang baté lipur disé agu sanggéd taung isé penong le Nai Nggeluks, og kali keréba lisé sanggéd reweng de Mori Keraéng agu mberes kétas.


Néka langum le anggor, ai anggor hitu pandé kéngko belek da’at, maik poro méu kali penong le Nai Nggeluk.


Oné hiat cengata Nai Nggeluk téi kuasa latang te pandé tanda lenget, agu latang te ata iwod téi widang latang te ba pedé agu latang te ata iwod kolé téi widang latang te pecing nias widang onémai Nai Nggeluk agu nias widang onémai jing da’at. Oné hiat cengata téi widang mu’u luju agu lema emas, agu oné ata iwod téi widang latang te pecing betuad mu’u luju agu lema emas hitu.


maik Hiat campé, ngong Nai Nggeluk, hitut wuat Liha Ema le ngasang Daku, Hiay dé ata kudut toing sanggé-ménan oné méu, agu te pandé tingengd le méu sanggéd taung situt poli taéd Laku oné méu.


Du hi Paulus témba limén lobo sa’i disé, wa’uy Nai Nggeluk oné isé agu wangkag isé curup dod agu tombo pedé de Mori Keraéng.


dengé lisé sanggéd ata situ tombo nia kaut dumpu oné mu’ud agu naring Mori Keraéngs. Itug kali mai taé di Pétrus:


Og kali ngo nitun hi Ananias agu ocok oné mbaru hitu. Hia témba limén bétan sa’i di Saulus, mai taén: “Asé-ka’é daku Saulus, Mori Yésus hitut poli toto wekin agu hau oné salang hitut lagém, poli jera aku mai cé’é hau, kudut hau ngancéng ita koléh agu penong le Nai Nggeluk.”


Maik hi Stéfanus hitut penong le Nai Nggeluk conga nggere-éta awangy, ita angos de Mori Keraéng agu Mori Yésus hesé oné racap wanang de Mori Keraéng.


Ai hi Yohanés cebong le waé maik toé béhéng kolé méu te cebong ata le Nai Nggeluk.”


Momang hitu toé manga cemoln; pedé hitu ngancéng cemoly, mu’u luju agu lema emas ngancéng dopos, pecing do te moras-meresy, maik momang haé ata hitu toé manga cemoln.


Koném po aku ngancéng tombos sanggéd curup de manusia agu curup de malékat, maik émé aku toé momang haé atak, aku cama ného nggong hiot tolos agu runing ncihing ata toé manga betuan.


Maik hi Saulus hitut béntan hi Paulus, ata penong le Nai Nggeluk, lélo tulak hi Elimas,


ata Yahudi agu isét lorong imbi data agama Yahudi, ata Kréta agu ata Arab, dengé lité tombo disé oné curup de rud ité latang te pandé situt mésé le Mori Keraéng.”


Ai du hitu kéta muing Nai Nggeluk te toing méu, apa situt paka curup le méu.”


Aku wali di’a kamping Mori Keraéng le mu’u luju agu lema emas, labi oné-mai sanggés méu.


Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.


Hi Pétrus ata penong le Nai Nggeluk walé isé situ: “Oé sanggés méut ata tu’a de ro’éng agu adak laing,


Agu du poli curup nenggituN, Hia pur iséy, agu mai taéN: “Tiba ga Nai Nggeluk.


Mori Yésus hitut penong le Nai Nggeluky, kolé oné mai waé Yordan, itu kali titong le Nai Nggeluky oné satar mambak.


Latang te nabi situ poli si’ang le Mori Keraéng, te isé toé gori keturu latang te weki rud, maik gori keturu latang te méu; ngong sanggéd cao-ca ata poli si’ang dengéd le méu oné-mai ata ba Keréba Di’a. Sanggéd ata situt ba Keréba Di’a, téing kuasa le Nai Nggeluk hitut wuat éta-mai Surga. Ngot sanggéd malékat kolé nanang te pecing Keréba Di’a hitut wéro disé.


Ngoéng daku kudut sanggés méu tombo ali mu’u luju agu lema emas, maik lé mai hitun, kudut méu pecing nubuat. Ai ata pecing nubuat céwé hiang lata, itu po ata hiot tombo ali mu’u luju agu lema emas, aikn émé ata hitu kolé ngancéng papod, wiga ngancéng pandé téti éta moséd weki serani.


Du pu’ung tombog aku, wa’u éta mai Nai Nggeluk oné isé, cama ného oné ité danong.


Gejék hitu tiba di’a le weki serani, itug kali pilén hi Stéfanus, cengata ata imbi mésé agu penong le Nai Nggeluk, agu hi Pelipus, Prokhorus, Nikanor, Timon, Parménas agu hi Nikolaus, cengata ata lut agama Yahudi oné mai Antiokhia.


Landing hitu asé-ka’én, pilé pitu taun oné mai méu, ata pecing taung lata te isé ata di’a, agu penong le Nai Nggeluk agu léwé nuk, kudut ami téti isé oné gori situ,


Maik méu te tiba kuasa émé Nai Nggeluk wa’u oné méu agu méu te ciri saka-si Daku oné Yérusalém, oné temu tana Yudéa agu Samaria dengkir agu haéng binting awang.”


Ai hia te moséy oné ranga de Morin agu hia toé kéta inung anggor ko tuak rani agu hia penong le Nai Nggeluky, pu’ung oné mai tuka de endén;


Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.


ata toé ngancéng pecing le utek de manusia, wiga méu penong le nai di’a de Mori Keraéng hitut besik.


ai hi Barnabas cengata ata di’a, penong le Nai Nggeluk agu imbi. Wiga do kéta ata imbi Mori Keraéngs.


Hi Stéfanus hitut penong le widang agu kuasa, pandé tanda lenget agu gantang oné bahi-réha ata do.


Ai weki rug Aku te téing oné méu nai nggalas, wiga méu toé ngancéng koléng ko ganggas le ata balis.


Hi Zakarias, ema di Yohanés, penong le Nai Nggeluky, itu kali lén pedén:


Agu du hi Élisabét dengé tabé di Mariay, jékal anakn oné tukan, agu hi Elisabét kolé penong le Nai Nggeluky,


Émé téing méu lisé, néka simpung te co’oy, te apa kétag le méu walén, ai sanggéd situ manga kali widang oné méun du hitu muings.


Toé dé’it manga keréba ata cir ali ngoéng de manusia, maik dod ata ba keréba de Mori Keraéng ali sur de Nai Nggeluk.


agu ita néng lisé lehar ného lema api agu ro’ang néténg isé.


Og kali isét sua situ témba liméd éta sa’i disé, itu kali tiba lisé Nai Nggeluk.


“Ngancéng weli pampangd ata so’o te cebong le waé seranis, ai isé poli tiba Nai Nggeluk cama ného ité?”


Mori Keraéng ata pecing nai de manusia, téi saka-si latang te isé, ali téi isé Nai Nggeluk cama ného téi oné ité,


Swiv nou:

Piblisite


Piblisite