TOMBO PÉTÉ GORI DE RASUL-RASUL 18:5 - Bahasa Manggarai New Testament

⁵ Du hi Silas agu hi Timotéus mai oné mai tana Makédonia, hi Paulus wangkag ba keréba di’a agu téi saka-si oné ata Yahudi, te Mori Yésus hitu Mésias.

TOMBO PÉTÉ GORI DE RASUL-RASUL 18:5 Referans Kwoze

2 KORINTUS 5:14

Ai momang di Kristus kuasa amiy, ai ami poli ita salangn, émé cengata poli matan latang te sanggén ata, ngong sanggéd isé situ polig matad.

TOMBO PÉTÉ GORI DE RASUL-RASUL 18:28

Ai ali séméngak hia koléng ata Yahudi wa ranga data do agu si’ang taung liha oné mai Surak Nggeluk te Mori Yésus hitu Mésias.

TOMBO PÉTÉ GORI DE RASUL-RASUL 20:21

Aku kolé téi saka-si oné ata Yahudi agu ata Yunani kudut isé teser oné Mori Keraéng, agu imbi oné Mori Yésus.

TOMBO PÉTÉ GORI DE RASUL-RASUL 17:3

Tombo agu toi liha agu isé te Mésias hitu paka ta’ong susay agu mosé koléy oné mai ata mata, itu kali mai taé diha: “Ho’oy Mésias, ngong Mori Yésus ho’ot keréba laku oné méu.”

TOMBO PÉTÉ GORI DE RASUL-RASUL 9:22

Maik kérong di Saulus tambang mésén agu hia pandé bules nai de sanggéd ata Yahudi situt ka’éng oné Damsyik, ai hia téing tanda te Mori Yésus hitu Mésias.

PILIPI 1:23

Nai daku do’ong nggere-olo, dungki nggere-musi: Aku nanang ngo te ka’éng cama agu hi Kristus, ai hitu muing ata céwé di’an.

TOMBO PÉTÉ GORI DE RASUL-RASUL 2:36

Jari, sanggéd wa’u Israél paka getok kéta pecingd te Mori Keraéng poli pandé Mori Yésus hitut panggol de méu, ciri Mori Keraéng agu hi Kristusy.”

1 PETRUS 5:12

Létang li Silwanus asé-ka’é ca imbi ata junggu, tulis wokok kaut laku surak ho’o latang te méu. Kudut toing agu imbi le méu, te ho’oy widang ata tu’ung-tu’ung oné-mai Mori Keraéngn. Hesé lencek koém oné widang hitu!

TÉSALONIKA 3:2

Poli hitu ami susung hi Timotéus, asé-ka’é ca imbi dité agu haé-reba oné gori de Mori Keraéng latang te wéro Keréba Di’a di Kristus kudut pandé mberes nai de méu agu te metek imbis.

TOMBO PÉTÉ GORI DE RASUL-RASUL 16:9

Le wié ita li Paulus oné urén: manga cengata ata Makédonia hesé nituy agu tegi oné hia: “Limbang koé nggere-cé’ét agu campé koé ami.”

TOMBO PÉTÉ GORI DE RASUL-RASUL 16:1

Mai kolé hi Paulus oné Dérbé agu oné Listra. Nitu manga cengata ata nungku ngasangn hi Timotéus; endén ata Yahudi, agu poli imbin, maik eman cengata ata Yunani.

TOMBO PÉTÉ GORI DE RASUL-RASUL 15:22

Poli hitu rasul-rasul agu sanggéd taung ata tu’a laing agu sanggéd weki serani, wérét kudut pilé oné mai isé pisa taun ata kudut jera ngo oné Antiokhia cama laing agu hi Paulus agu hi Barnabas, isé situ hi Yudas ata caron hi Barsabas agu hi Silas.

TOMBO PÉTÉ GORI DE RASUL-RASUL 10:42

Hia poli jera ami ba keréba oné sanggén wa’u Yahudi hitu, agu téi saka-si te Hia hitu poli tétin le Mori Keraéng te ciri Adak latang te ata mosé agu ata mata.

TOMBO PÉTÉ GORI DE RASUL-RASUL 4:20

Ai toé ngancéng hema kaut kami latangt apa ata poli ita agu dengé dami.”

YOHANÉS 15:27

Maik méu kolé paka ciri sakasi, ai méu du wangka pu’ung muingm ga cama laing agu Akum.”

YOHANÉS 10:24

Isét Yahudi hesé léok Hias, agu mai taéd ngong Hia: “Téké kéta capa béhéngn Ité ondang ami ugu-égé? Émé Ité hi Mésias tombo si’ang kéta agu ami.”

YOHANÉS 3:28

Méu kolé ngancéng téing sakasi, ai aku poli curup: Aku toé hi Mésiask, maik wuatg aku pado olok oné mai Hia.

YOHANÉS 1:41

Hi Andréas laring cain ngo cumang ka’én hi Simon, agu mai taén: “Ami poli cumang agu hi Mésias (ngong hi Kristus)”

LUKAS 12:50

Aku paka tiba cebongk, agu capan susan nai Daku, du toéd olon apa hitu!

LUKAS 16:28

ai manga lima kid asé-ka’é daku, kudut hia langi kéta tu’ung isé, kudut isé néka mai oné osang ho’os tai.

TOMBO PÉTÉ GORI DE RASUL-RASUL 16:12

Nitu maig’m ami ngo oné Filipi, béndar laring cain oné Makédonia ho’o, ca béndar long data Roma. Oné béndar hitu ami ka’éng pisa leso béhéngn.

TOMBO PÉTÉ GORI DE RASUL-RASUL 20:23

Pecing daku kali, Nai Nggeluk poli tombo si’angn agu aku oné néténg béndar te aku oné buik agu paka ta’ong susak.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

2 KORINTUS 1:19

Landing hi Yésus Kristus, Anak de Mori Keraéng hitut poli keréban lami oné bahi-réha méu, le weki-rug aku agu hi Silwanus, agu hi Timotéus, toé rodo “éng” ko “toé” kaut, maik walé “éng” kali ata mangan oné Hia.

2 KORINTUS 11:9

Agu du aku manga géong’g oné bahi-réha méu aku toé manga pandé susa cengatan koé, ai apa ata toé mangan oné aku, tambang le asé-ka’é ca imbi oné mai tana Makédonia. Oné sanggén cao-ca aku jerék weki-rug, kudut néka pandé mendo oné méu. Kong’g aku pandé nenggitu kig.

TÉSALONIKA 3:6

Maik te ho’on, hi Timotéus kolé gi, agu ba keréba ata nisang nai latang te imbi de méu oné hi Kristus agu co’o momang taus. Kali méu kembung mtaung ami agu ngoéng te cumang ami, cama ného ami kolé nanang te cumang méukm.