TOMBO PÉTÉ GORI DE RASUL-RASUL 18:3 - Bahasa Manggarai New Testament

³ Ai camas gori disé, itu tara hia ka’éng cama-cama agu isé. Isé cama-cama ata laséng pandé ndéi.

TOMBO PÉTÉ GORI DE RASUL-RASUL 18:3 Referans Kwoze

TÉSALONIKA 2:9

Asé-ka’én, nuk kin le méu rébok agu kamer dami. Gori dami wié-leson, te wéro Keréba Di’a de Mori Keraéng oné méu, boto manga mendo latang te méu ko céing-céing kaut.

1 KORINTUS 4:12

agu pandés lami sanggéd gori ata mendod. Émé tidakm lata, ami berkak isé situ, émé onggakm lata, ta’ong kaut lami,

2 KORINTUS 11:9

Agu du aku manga géong’g oné bahi-réha méu aku toé manga pandé susa cengatan koé, ai apa ata toé mangan oné aku, tambang le asé-ka’é ca imbi oné mai tana Makédonia. Oné sanggén cao-ca aku jerék weki-rug, kudut néka pandé mendo oné méu. Kong’g aku pandé nenggitu kig.

2 KORINTUS 12:13

Ai oné pété nia méu toé pinga laingm laku émé rapang agu weki serani bana? Ngot weki rug aku toé manga pandé mendo latang te méu. Néka rabo landing toé agil daku ho’o!

2 KORINTUS 11:7

Asa neng, salag weli aku ko, émé aku hinggop kudut pandé langkas méu ai aku wéro Keréba Di’a de Mori Keraéng oné méu toé manga tiba lékog?

1 KORINTUS 9:14

Nenggitu kolé néng, poli wérét le Mori Yésus, isét wéro Keréba Di’a paka tiba na’ang bara agu wéngko weki oné-mai gorid hitu.

1 KORINTUS 9:15

Maik aku toé dé’it papé can koé oné-mai hak situ. Aku toé tulis sanggéd so’o kudut te tegi hakg. Céwé di’an aku matak, po pandé nenggitu. Ata tu’ungn, angos daku toé ngancéng pandé mora liong kauty!

1 KORINTUS 9:18

Émé nenggitu gi, apa lahén latang te aku? Ho’oy daku lahén: Té aku ngancéng wéro Keréba Di’a ali toé manga lahén, agu aku toé papé hakg te tiba bajar oné-mai wéro Keréba Di’a hitu.

TÉSALONIKA 4:11

Rébok koém kudut mosé meler agu néka cambu-lalét mbolot data bana, caca kaut mbolot de weki ru. Kawé na’ang bara agu wéngko weki rebook le limé ru, ného situt poli pedé dami oné méu.