TOMBO PÉTÉ GORI DE RASUL-RASUL 16:3 - Bahasa Manggarai New Testament

³ agu ngoéng di Paulus, paka lut hia. Hi Paulus jera sunat hia, ai ata Yahudi oné tana hitu pecing taung, ema diha ata Yunani.

TOMBO PÉTÉ GORI DE RASUL-RASUL 16:3 Referans Kwoze

GALATIA 2:3

Koném po hi Titus hitut cama laing agu akuy, cengata ata Yunani, maik hia toé dedeky te lut wintuk sunat.

1 KORINTUS 9:20

Latang te ata Yahudi aku ciri ného ata Yahudik, kudut aku haéng sanggéd ata Yahudi. Latang te ata mosé lorong Adak Taurat, aku cama ného ata siot mosé lorong Adak Taurat, koném po aku toé mosé lorong Adak Taurat kudut aku haéng isé situt mosé lorong Adak Taurat.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

GALATIA 2:8

Ai Mori Keraéng ata poli téing mberes oné hi Pétrus kudut ciri rasul latang te ata lut wintuk sunat, Mori Keraéng kolé ata poli téing mberes oné aku kudut ciri rasul latang te ata toé lut wintuk sunat.

1 KORINTUS 7:19

Ai poli sunat ko toé di sunat toé manga betua laing. Ata betua laing kali, lorong taungs Adak de Mori Keraéng.

TOMBO PÉTÉ GORI DE RASUL-RASUL 15:40

Maik hi Paulus pilé hi Silas du poli sendon le asé-ka’é ca imbi situ oné tabing de Mori Keraéng.

TOMBO PÉTÉ GORI DE RASUL-RASUL 15:37

Ngoéng di Barnabas poro dadé kin hi Yohanés hitut béntan kolé hi Markus,

TOMBO PÉTÉ GORI DE RASUL-RASUL 15:20

maik ité paka tulis surak agu isé tadang koés oné mai io pina-naéng, oné mai ngoéng ata, oné mai nuru de kaka situt mata le hajel agu oné mai dara.

PILIPI 2:22

Pecing le méu, polig si’angn junggu di Timotéus agu hia poli campé akun oné gori keturu Keréba Di’a cama ného anak ata campé eman.