TOMBO PÉTÉ GORI DE RASUL-RASUL 13:51 - Bahasa Manggarai New Testament

⁵¹ Maik hi Paulus agu hi Barnabas péntang kebok wa’id kudut langga latang te sanggéd ata situ, itus kali ngo oné Ikonium.

TOMBO PÉTÉ GORI DE RASUL-RASUL 13:51 Referans Kwoze

MATÉUS 10:14

Agu émé toé tiba di’a méu lata, agu toé séngét curup de méus, ngo méu ga, agu legong le méu mbaru ko béo hitu agu péntang kebok wa wa’is.

TOMBO PÉTÉ GORI DE RASUL-RASUL 18:6

Maik du sanggéd ata situt dungkang agu loér hia, péntang liha kebok oné mai ceca pakén agu mai taén ngong isé: “Nahé dara rus bowo oné sa’i rus, aku nggélokg, toé manga salag. Pu’ung ho’o ga, aku kudut ngo oné wa’u-wa’u banak.”

LUKAS 9:5

Émé manga ata situt toé gorid te tiba méu, pé’ang oné mai béndar disés, agu péntang kebok wa’is, cama ného te langi isé.”

TOMBO PÉTÉ GORI DE RASUL-RASUL 14:21

Hi Paulus agu hi Barnabas ba Keréba Di’a oné béndar hitu agu do kéta ata ciri ata nungku. Itu kali kolé nggere-oné Listra, Ikonium agu Antiokhia.

TOMBO PÉTÉ GORI DE RASUL-RASUL 14:19

Maik mais ata Yahudi oné mai Antiokhia agu Ikonium agu isé cocong lawa do situ wiga cecupu mai isés. Itu kali peké le watun lisé hi Paulus agu sorok nggere-pé’ang mai béndary, ai bet disé hia polig rowan.

TOMBO PÉTÉ GORI DE RASUL-RASUL 14:1

Oné Ikonium rasul situt sua, ngo oné mbaru ngaji data Yahudis, toing ata nitu, wiga do kéta ata ciri imbis, isét Yahudi agu isét Yunani.

MARKUS 6:11

Agu émé manga ca osang ata toé tiba méu agu émé isé toé ngoéngd te séngét méus, kolé nitu mais agu péntang kaut kebok situ wa wa’is latang te langi agu isé.”

TOMBO PÉTÉ GORI DE RASUL-RASUL 16:2

Hi Timotéus ho’o pecing taung lasé-ka’é ca imbi te hia ata di’a, oné Listra agu oné Ikonium,

2 TIMOTIUS 3:11

Hau poli lorong susa agu wahéng cama ného hitut ta’ong daku oné Antiokhia agu oné Ikonium agu oné Listra. Sanggéd taung wahéng situ tibas laku. Maik Mori poli pandé selamak aku oné-mai sanggéd situ.

LUKAS 10:11

Kebok de béndar ho’o kolé, ata rapét oné wa’i damis, péntangs lami wa ranga de méus; maik pecing di’a ho’o: Adak de Mori Keraéng ruis gi.