TOMBO PÉTÉ GORI DE RASUL-RASUL 13:5 - Bahasa Manggarai New Testament

⁵ Du caid oné Salamis, isé keréba reweng de Mori Keraéngs oné sanggéd mbaru ngaji data Yahudi. Hi Yohanés lut isé luing te campé isé.

TOMBO PÉTÉ GORI DE RASUL-RASUL 13:5 Referans Kwoze

TOMBO PÉTÉ GORI DE RASUL-RASUL 13:14

Oné mai Pérga ngo oné béndar Antiokhia tana Pisidia. Du leso sabat isé ngo oné mbaru ngajis, agu lonto nitus.

TOMBO PÉTÉ GORI DE RASUL-RASUL 13:46

Maik ali rani nain hi Paulus agu hi Barnabas koléng isé: “Bo tu’ung latang te méu kéta laring cain keréba reweng de Mori Keraéng, maik toé tiba le méu, agu toé remo te tiba mosé tédéng lén. Landing hitu ami holés oné wa’u banakm.

TOMBO PÉTÉ GORI DE RASUL-RASUL 19:8

Tédéng telu wulang hi Paulus ngo oné mbaru ngaji nituy agu si’ang kéta tombon agu léwang sina-cé’é agu isé kudut imbi tu’ung lisé latang te Adak de Mori Keraéng.

TOMBO PÉTÉ GORI DE RASUL-RASUL 18:4

Néténg-néténg leso Sabat hi Paulus toing ata oné mbaru ngaji agu gejur pandé imbi sanggéd ata Yahudi agu ata Yunani.

TOMBO PÉTÉ GORI DE RASUL-RASUL 17:17

Landing hitu oné mbaru ngaji, hia tombo-tombo agu ata Yahudi agu sanggéd ata situt hiang Mori Keraéng agu oné natas béndar lété leso agu ata situt cumang diha nitu.

TOMBO PÉTÉ GORI DE RASUL-RASUL 14:1

Oné Ikonium rasul situt sua, ngo oné mbaru ngaji data Yahudis, toing ata nitu, wiga do kéta ata ciri imbis, isét Yahudi agu isét Yunani.

TOMBO PÉTÉ GORI DE RASUL-RASUL 12:12

Poli kaut noingn, ngo hia oné mbaru di Maria endé di Yohanés ata le caron hi Markus. Nitu do kéta ata lari nempung agu ngajis.

TOMBO PÉTÉ GORI DE RASUL-RASUL 9:20

Du hitu hia ba keréba di’a latang te Mori Yésus oné mbaru-mbaru ngaji agu tombo te Mori Yésus hitu Anak de Mori Keraéng.

2 TIMOTIUS 4:11

Hanang hi Lukas ata ka’éng agu akuy. Curu koé hi Markus agu dadé hia nggere-cé’é, ai gori keturu diha jarin latang te aku.

KOLOSÉ 4:10

Tabé latang te méu oné-mai hi Aristarkhus, haé réba ata bui agu aku, agu oné-mai hi Markus bangkong di Barnabas – latang te hia méu poli tiba pedé; tiba koé hiam, émé hia mai oné méuy –

TOMBO PÉTÉ GORI DE RASUL-RASUL 15:37

Ngoéng di Barnabas poro dadé kin hi Yohanés hitut béntan kolé hi Markus,

TOMBO PÉTÉ GORI DE RASUL-RASUL 12:25

Hi Barnabas agu hi Saulus kolé oné mai Yérusalém du polig gori disé. Isé dadé hi Yohanés ata le caron kolé hi Markus.

MATÉUS 20:26

Toé de nenggitu oné mai méu. Céing ata ngoéng te ciri ata mésé oné mai méu, hia paka ciri ata keturu laing méuy,

TOMBO PÉTÉ GORI DE RASUL-RASUL 19:22

Itu kali hia jera sua taus ata campén, hi Timotéus agu hi Érastus, pado olos ngo oné Makédonia, maik weki run hia remo béhéng kin ka’éng oné tana Asia.

TOMBO PÉTÉ GORI DE RASUL-RASUL 19:29

Sanggén taung ata oné béndar cirik cebels agu isé ramé-ramé ngo oné mbaru nempung de lawa do agu sorok hi Gayus agu hi Aristarkhus, isét sua so’o ata Makédonia agu haé lako di Paulus.