TOMBO PÉTÉ GORI DE RASUL-RASUL 12:4 - Bahasa Manggarai New Testament

⁴ Du poli dekon hi Pétrus jera li Hérodés na’a oné buiy agu lami le pat dantep serdadu, agu néténg-néténg dantep pat serdadu. Betuan diha, kudut poli Paska hia bicar hi Pétrus olo mai ranga data do.

TOMBO PÉTÉ GORI DE RASUL-RASUL 12:4 Referans Kwoze

LUKAS 22:33

Mai walé di Pétrus: “Mori, aku ngoéng bui agu mata cama agu Iték!”

LUKAS 21:12

Maik be bolon taung situ, méu te deko agu kélo-balém; méu te todang oné sanggéd taung mbaru ngajim, agu mbaru bui; agu méu te buang oné sanggéd raja agu isét manga kuasad, landing ngasang Daku.

TOMBO PÉTÉ GORI DE RASUL-RASUL 4:28

kudut pandé sanggéd cao-ca situt poli letid du pu’ung le kuasa agu ngoéng Rum.

TOMBO PÉTÉ GORI DE RASUL-RASUL 4:3

Isé deko latas agu na’a oné buis, dengkir ného diang gulad, ai wiég tana.

YOHANÉS 21:18

Aku curup agu hau: Moro matan, du rémé rebam hau le rum pongo awakm, agu lako ngo nia ngoéngm, maik émé tu’ah ga, hau te lendor limém, agu ata bana te pongo awakm, agu todang nggere-oné osang ata toé ngoéng laing le hau.

MATÉUS 26:5

Maik mai taé disé: “Néka du leso ramé, boto raha taud ro’éng.”

MATÉUS 24:9

“Du hitu méu kudut téi te luca latam, agu te alam agu méu te kodo le sanggén uku landing ngasang Daku,

TOMBO PÉTÉ GORI DE RASUL-RASUL 8:3

Maik hi Saulus wuli kin te wahéng ata serani situ, agu hia ngo oné nété-néténg mbaru agu ndola nggere-pé’ang ata rona agu iné-waid agu téi isé kudut na’a oné buis.

TOMBO PÉTÉ GORI DE RASUL-RASUL 5:18

Rasul-rasul situ dekos lisé agu dadé isé nggere-oné bui.

YOHANÉS 19:23

Du poli pangkotn Mori Yésus le sanggéd serdadu situ, emi kolé lisé ceca pakén, poli hitu pati laing pat’y kudut néténg serdadu ca naéy agu emi kolé lisé juban. Juba hitu toé manga palang ja’ikn, tenung kaut laing ca’y, wangka éta main haéng wan.

MARKUS 14:1

Ramé Paska agu ramé Roti Toé Manga Ragin ného cesuan kali ga. Sanggéd imam kepala agu ata pecing Taurat bantang kawé co’o nawan kudut deko agu ala Mori Yésus,

TOMBO PÉTÉ GORI DE RASUL-RASUL 12:3

Du ita liha nisang kéta nai data Yahudi, itu kali ruda olon jera deko hi Pétrus. Du hitu leso ramé Roti Toé Manga Ragin.

TOMBO PÉTÉ GORI DE RASUL-RASUL 12:5

Nenggituy dé tara na’a oné buin hi Pétrus. Maik weki serani seber te ngaji kamping Mori Keraéng latang te hia.