TOMBO PÉTÉ GORI DE RASUL-RASUL 1:11 - Bahasa Manggarai New Testament

¹¹ agu mai taéd: “Oé ata Galiléa, co’o tara lélo nggere-éta awangs méu? Mori Yésus hitut héndéng nggere-éta Surga, legong méuy, te mai koléy, cama ného ita le méu Hia héndéng nggere-éta Surga.”

TOMBO PÉTÉ GORI DE RASUL-RASUL 1:11 Referans Kwoze

WIDANG SI’ANG ONÉ HI YOHANÉS 1:7

Lélo dé, Hia mai lobo rewungy, agu néténg mata te lélo Hia, nggitu kolé isét poli jelok Hia. Sanggéd wa’u oné lino te jéjéngs landing Hia. Yo, toé celan! Amén!

TÉSALONIKA 4:16

Ai du téing perénta le tu’a de malékat, ciéky agu dengé runingn terompét de Mori Keraéng, weki run Hia kudut wa’u éta-mai Surgan, agu isét mata oné hi Kristus te to’o kolés;

MARKUS 13:26

Du hitu te ita lata Anak manusia cai lobo rewungy déméng agu sanggéd kuasan agu néra mésén.

YOHANÉS 14:3

Agu émé poli ngo nitug Aku agu poli ambi osang latang te méu, Aku mai kolék, agu dadé méu oné osang Daku, kudut oné osang nia mangag Aku, méu kolé manga nitum.

MATÉUS 25:31

“Émé cai Anak Manusia agu néra mésén, agu sanggéd malékatn cama laing agu Hias, itu Hia te lonto angos lobo serigan.

MATÉUS 24:30

Du hitu te ita tanda de Anak Manusia éta awang agu sanggéd uku oné lino te jéjéngs agu te ita lisé Anak Manusia hitu mai lobo rewung éta awang déméng agu kuasa mésén agu angosn.

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

LUKAS 21:27

Duhitu ita lata Anak Manusia mai lobo rewungy déméng agu kuasan agu dirapn.

TOMBO PÉTÉ GORI DE RASUL-RASUL 13:31

Tédéng pisa minggu Hia toto wekin oné isét lut Hia, oné mai Galiléa haéng oné Yérusalém. Isé situ so’ot ciri saka-si Diha latang te ro’éng so’o.

LUKAS 24:5

Isé rantang da’ats agu tenggukd, maik ata situ sua curup agu isé: “Co’o tara kawé Hiat mosés méu, oné mai isét mata?

TOMBO PÉTÉ GORI DE RASUL-RASUL 3:12

Du ita hitu li Pétrus, mai taén agu ata do situ: “Oé ata Israél, co’o tara lenget laingn le méu tanda lenget hitu agu co’o tara lélo ami, néhot lami kétag pandé lako kolén ata ho’o ali kuasa ko nggeluk dami?

TOMBO PÉTÉ GORI DE RASUL-RASUL 2:7

Sanggéd taung isé lenget agu mai taéd: “Cala ata Galiléa taungp isét tombo so’o ta?

MARKUS 14:70

Maik pali kolé li Pétrus. Remon wa ga, sanggéd ata situt manga nitu curup kolés agu hi Pétrus: “Hau ho’o kolé toét-toé cengata oné mai isé, céwén kolé hau ata Galiléah!”

MATÉUS 16:28

Aku taé agu méu: Moron, oné mai méu ata manga cé’é ho’o, manga ata toé di matay émé toéd ita lisé main Anak Manusia neho raja oné baté peréntan.”

MARKUS 16:19

Du poli curup nenggitun Mori Yésus agu isé, héndéng Hia nggere-éta Surga, agu lonto du racap wanang de Mori Keraéng.

TOMBO PÉTÉ GORI DE RASUL-RASUL 1:2

haéng du leso héndéngN nggere-éta Surga. Bebolon mai hitu Hia poli téing perénta lut Nai Nggeluk kamping sanggéd rasul situt pilé Diha.

TOMBO PÉTÉ GORI DE RASUL-RASUL 1:9

Du poli curup nenggituN, Hia héndéng nggere-éta Surgay, ita taung lisé, dengkir agu pangguN le rewung.

TOMBO PÉTÉ GORI DE RASUL-RASUL 1:22

Pu’ung oné mai cebong di Yohanés dengkir agu leso héndéngn Mori Yésus nggere-éta Surga agu ledong ami kudut ciri saka-si ného ami latang te to’o kolé'N.”

TOMBO PÉTÉ GORI DE RASUL-RASUL 3:21

Hi Kristus hitu paka ka’éng éta Surgay dengkir olé koléd sanggéd cao-ca ného reweng de Mori Keraéng lut sanggéd nabin situt nggeluk danong.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.