Zems 4:5 - Kein

⁵ Uwait nugau ze nug eneu, “Uwait nugau Ah Wes, Uwait nugtal igual oigeb oug migeun ig Uwait sag oiageb nug noumabun aiganeu.” Agal dabeleu ze go bigeg tamacag ta?

Zems 4:5 Referans Kwoze

2 Korin 6:16

Uwait ecesab muranemen zau banou mui polu tibur ulagwag macanemen zau mui go ereg tulabun iborain tam. Ig Uwait ecesab muranemen zau banou. Uwait awau dacaneu go igual oigeb oug dareu. Uwait nug aneun sultal, “Iz duailel e abai daimai, go abai ai dacanai. Iz agal Uwait dacanai, ag izal duailel damamen.” Wok Pris 26:12

1 Korin 6:19

Agal enimag go Ah Wes nugau Nou Zau banou, ag go i abiu ta? Uwait nug gonugau Ah Wes ag mareun, go Ah Wes agal oiagab oug dareu. Yesus nug gonugau eseu sil ag gau mareun, gonun, agal enimag go agal sag tam. Gonun, agal enimag nug Uwait nugau wanib tutak ulagwag moron.

Taitas 3:3

Igag duailel ipal abai suban dabun, ze go awaramoroi. Getal igual oigeb petak ab tam ebu em ebuan duailel sul dabeleu eg sesamoranemun. Ig ze naliu i sesamoranemun, bo, ig dudu ipal agal polu ze doimai, abu eg sesamoranemun. Igul eg go nug igual dabeleu unum keu igena, ig enimig en igul eg tutak sesamorabun guzenanemun. Igul eg go mabun en igual oigeb naliu pet usaleun. Ig igul eg go maimai, dudu ipal abai ze alalai dacanemun. Ig duailel ipal agal ecesab en amecig alaneun. Guzenina, duailel agen ig ibaig iwai darena, iguan han igual zaiger abai iwai dacanemun.

Galesia 3:8

Getal Uwait nug abiu meun, aiu ses emgasag ipal ebuan duailel agal oiagab Uwait en petak mina, go nug ag gonugau ameg ebu naliu dabun tapai maramau. Go Uwait nug baib tub maimai, dudu ipal agen ze go Uwait nugau agau ebu sikut wemen. Uwait nug Abraham go gonugau Ze Naliupet aureun, “Du tub nait ug eiman aiu ses izan duailel emgasag unum ebuan ag izal ameab naliu usalabun tapai marai.” Stat 12:3

Aposel 7:9

Zekop nugau gelegul, igual emginib zaiger agen goagal amanag Zosep en aiag sisilina, emgasag ipal ebuan dudu aiwag en marena, goagen gau mina, aiwag omenin. Dudu go goagen Izip emgasag imai betemenin. Bo, Uwait go Zosep utab tam. Go al ereg daimai, go isanoroimai, gonugau uhu unum zilagai moroun. Zosep go Izip agal gumaraneun du banou al dacaneu ziwas ebu, Uwait nug dabeleu naliu moroun. Gumaraneun du nug Zosep du naliu uligaimai, go nug Zosep emgasag go mui gonugau zauan esab mui gumabun salau moroun.

Yesus nugau Ze Naliupet Zon nug sikut weun 10:35

Uwait nugau ze go polu mab tam, petak pet ze meun. Getal Uwait nug dudu awareun, ‘Ag uwait iz sul.’

Rom 1:29

Duailel go umkoskos ag igul eg beu beu maimai, ag duailel ipal ebalagab igul eg pet macanemen. Ag ecesab asiu mui aimai, ag umkoskos koli ecesab ipal wabun dabilanemen. Ag umkoskos duailel ipal uhu marabun igul eg beu beu ag ibalagab macanemen. Ag duailel ipal agal ecesab wabun dabeleu asiu wanemen. Ag duailel ugarendai, noumanem. Ag agzozou ze alalaimai, alalacanemen. Ag polu ze mina, agal zaiagar agen go petak ze mai darem aimai dabelabun guzenanemen. Ag duailel ipal uhu marabun dabeleimai, agal igul beu beu macanemen. Ag wage wageimai ze eg agal zaiagar enimag ebu macanemen.

Rom 9:17

Ag igul go dabilan. Uwait nugau agau ebu, Uwait nug Moses Izip emgasag gumaneun du banou gonugau wanib Pero guzenai aurabun aureun, “Uwait nugtal guzenai aneun, ‘Iz na du banou tapai mizem, gonugun, na izal ze i sesamorem, gonun, iz na uhu beu mizeimai, izal gusig duailel ipal abai marai. Guzenaimai, izal wanim emgasag unum iboramau.’” Kisim Bek 9:16

Yesus nugau Ze Naliupet Zon nug sikut weun 19:37

Ze tub getal Uwait nugau agau ebu han eneun, ‘Duailel du go malai sil wemen sug gul mui pimamen.’ Sekaraia 12:10

Yesus nugau Ze Naliupet Zon nug sikut weun 7:42

Uwait nugau ze nug eneun, ‘Kristus go Devit nugau ug eiman usalamau, go Betlehem uzan getal Devit dareun ebu zumau.’”