Rom 10:8 - Kein

⁸ Moses nug guzenai aneun, “Uwait nugau Ze ag abai ereg dareu. Go agal oiagsau ebu mui oiagab oug mui dareu.” Lo 30:14 Gonun, ag ze go iau ze mabun iborain, ag gonugau zebigeg suban abe mabun iborain. Guzenaimai, ag tutak tutak agal oiagab Kristus en petak abun ze iguan gusig awaranem.

Rom 10:8 Referans Kwoze

1 Timoti 4:6

Timoti, na Uwait nugau Ze umkoskos nanalaimai, ze go en nait ounab petak aimai, na umkoskos sesamorem, gonun, na suban gusig tapai daimai, ze naliu e izan na sikut wai mizemin, oiagab petak emen dudu ipal awaremen, na Yesus Kristus nugau salau du naliu damam.

1 Pita 1:25

Bo, Uwait Ban nugau ze muzmuz dacaneu.’ Aisaia 40:6-8 Go Ze Naliupet dudu ipal agenag awarina, domenin.

Galesia 3:2

Ag iz ailan! Ag erunaimai, Uwait nugau Ah Wes omenin. Ag kasai ze sesamoraimai, Uwait nugau Ah Wes omenin ta? Tam, ag Uwait nugau Ze doimai, agal oiagab Yesus en petak emenin, gonun, gonugau Ah Wes omenin.

Galesia 3:5

Uwait nug Ah Wes agal oiagab oug maimai, go nug gugeg beu beu abai maraneu. Einen? Go ag kasai ze sesamorabun aimai guzenaneu ta? Tam, ag gonugau ze doimai, agal oiagab go en petak mina, go nug guzenaneu.

Rom 10:17

Igul go enai, duailel amegai Kristus nugau ze duacanem, gonun, goagal oiagab petak anemen. Du tub nug Kristus nugau ze duailel awarina, go ze go doimai, Kristus nug ag isanarabun aleun ag abiu mamamen.

Aposel 10:43

Uwait nugau ze doimai, awaranemen dudu agen han getal goen ze maimai, enemen. Duailel ag unum go en oiagab petak amau, Uwait nug Yesus nugau wanib ebu agal igul eg zilagai maramau.”

1 Pita 1:23

Uwait nugau ze awau muzmuz dabun gusig, go mogoi awau ulistal anag nug soligwaneu sul tapai mareun. Gusig go agal memeagar ebuan tam. Bo, ag abu tub eiman zomenin. Ag Uwait nugau ze eiman koli awau usalemenin, ze go muzmuz awau damau.

Aposel 16:31

Goagen koli auremen, “Nait ounab Yesus en tutak petak emen, Uwait nug nait atanar mui koli imaramau.”

Epesus 5:26

Ze mui, Uwait nugau ze nug mui, Kristus nug gonugau duailel ze ziwareun. Igul go eiman duailel gonugau pet usalemen.