Matiu 4:7 - Kein

⁷ Yesus nug koli gusig ze aureun, “Ei, bo, Uwait nugau ze nug guzeneu, ‘Na nait Uwait Ban bimag i pen.’” Lo 6:16

Matiu 4:7 Referans Kwoze

1 Korin 10:9

Ig han Uwait Banou bimag i piab. Igual embigeg ipal agen Uwait Banou bimag pei darena, man agen kaluarena, noumemenin.

Hibru 3:9

Ulis, Uwait nugau Ah Wes nug agal embigeg agen Uwait semoromenin, ze go aneun ag don. Uwait nug ulis guzenai aneu, “Wai houhou iwanarai (40) sag iz gugeg beu beu maraimai, agal embigeg agal oiagab petak abun en isanaremin, bo, go izal ze i sesamoranem. Iz ag eg marabun bimaiag pemen.

Aposel 5:9

Guzenina, Pita nug koli aureun, “Na einen gamut al ze pataimai, Uwait nugau Ah Wes polumoromen? Dudu go nait gamut gamai betei ob oug hemen sul, ulis na noumemen, na han imaiz betei, ob oug heizabun zau og ebu tapai darem.”

Matiu 4:4

Bo, Yesus nug koli gusig ze aureun, “Ei, Uwait nugau ze eim guzeneu, ‘Du bret sag zaimai, awau i damau, Uwait nugau ze tutak sesamoraimai, petak awau damau.’” Lo 8:3

Matiu 4:10

Guzenina, Yesus nug aureun, “Satan, na utei alien! Uwait nugau ze nug eneu, ‘Na nait Uwait Ban tutak ulagwag moren. Na Uwait nugau salau sag oi muramam.’” Lo 6:13

Matiu 21:42

Yesus nug koli awareun, “Ag Uwait nugau ze go ze meu nanalanemen ta? Zau sanag go zau macanemen dudu agen eg aimai, gasag memen. Ulis, zau sanag go ula ebuan zau sanag gusig naliu usaleun. Uwait Ban nugtal sanag go salau banou moroun, go naliupet pet ig uligem.” Buk Song 118:22

Yesus nugau Ze naliupet Luk nug sikut weun 4:12

Yesus nug kolital aureun, “Go don, Uwait nugau ze eim eneu, ‘Na nait Banou, Uwait i bimag pen.’” Lo 6:16

Aposel 15:10

Guzenaimai, ag einen Uwait polumurabun uhu banou duailel agal oiagab petak emenin goagal enimag ebu memen? Getal igual ataniger mui, ig mui, uhu go gamacabun iborain tam pet.