Matiu 4:12 - Kein

¹² Ziwas go ebu, Yesus go Zon hiacaranem zau oug hemen ze doimai, uzan go utei Galili agaig ebu beteun.

Matiu 4:12 Referans Kwoze

Yesus nugau Ze Naliupet Mak nug sikut manaren 1:14

Dudu agen Zon hiacaranem zau oug hina, Yesus nug Galili agaig beteimai, Uwait nugau Ze Naliupet duailel awaranar.

Yesus nugau Ze Naliupet Zon nug sikut weun 3:24

(Ziwas go ebu, Herot nug Zon hiacaranem zau oug hiab tam ebu, go guzenai dareun.)

Yesus nugau Ze naliupet Luk nug sikut weun 4:14

Guzenaimai, Yesus go Uwait nugau Ah Wes gusig ban mui Galili agaig koli beteun. Duailel gonugau salau meun ze awarina, unum em unum donar.

Yesus nugau Ze Naliupet Mak nug sikut manaren 6:17

Go umineun, einen, getal Herot gonugtal gonugau amag, Pilip, nugau wau, wanib Herodias, ebegalacoun. Ziwas go ebu, Zon nug Herot aureun, “Na nait amai nugau air omen, go na kasai ze etuboromen.” Gonun, Herot nug dudu awarina, beteimai, Zon gusig pataimai, ebeg us sil kiaimaimai, hiacaranem zau oug heun.

Yesus nugau Ze Naliupet Zon nug sikut weun 4:54

Getal Yesus nug Zudia agaig uteimai, Galili agaig alaimai, gugeg tub meun. Ziwas go ebu, go kolital alaimai, gugeg guzenaital meun.

Yesus nugau Ze Naliupet Zon nug sikut weun 4:43

Yesus gonugau tapaimaraneu dudu abai uzan go gil aliag daremen uteimai, koli Galili agaig betemen.

Yesus nugau Ze naliupet Luk nug sikut weun 4:31

Yesus Galili agaig Kapaneam uzan betei dareun. Zobu tub ebu, go gonun duailel Uwait nugau ze go ebu marai dareun.

Matiu 11:2

Ze ziwaraneun du, Zon go hiacaranem zau oug daimai, Kristus nug eruneun go ze go doimai, gonugau tapaimaraneu dudu Yesus waugab palautarena, betemen.

Yesus nugau Ze naliupet Luk nug sikut weun 23:5

Go agen koli ze gusig maimai, guzenemen, “Gonug duailel amiagab igul eg abai maraneu. Go Zudia agaig uzan unum guzeneun. Go Galili agaig ebu bigegwaimai, ulis Zerusalem uzan guzenabun aleu.”

Yesus nugau Ze Naliupet Zon nug sikut weun 1:43

Yesus nineimai, umaseu, go Galili agaig ebu bitabun dabeleun. Go beteimai, du tub wanib Pilip tuloroimai, aureun, “Na zoimai, iz sesamilen.”

Yesus nugau Ze Naliupet Zon nug sikut weun 2:11

Go gugeg amegai, Yesus nug Kana uzan, Galili agaig ebu, gonugau gusig banou abai marena, gonugau tapaimareu dudu go en goagal oiagab petak emen.